تعليق ناري من أحمد موسى على أزمة فيلم "ريش"
علق الإعلامي أحمد موسى على أزمة فيلم
"ريش" والذي عرض في مهرجان الجونة السينمائي وأثار الجدل بسبب ما يحتويه
من إساءة لمصر وفقا لبعض النقاد والفنانين.
وقال موسى خلال برنامج "على
مسؤوليتي" المذاع على قناة "صدى البلد": "هل احنا ياجماعة
مشبعناش من محاولات تقديم صورة غير حقيقة عن مصر هل في ناس فرحانة وهي بتكلم عن
مصر بطريقة سيئة ليه في البعض بيقدم هذا الأمر".
وأضاف: "الفيلم ده أخد جائزة أو اتنين
في مهرجان كان في يونيو الماضي؛ خد ليه جوائز وليه لما حاجات تتعمل لا تعبر عن مصر
بتاخد جوايز".
وتابع: "يبدأ الفيلم وينتهي بالراجل
اللي بيحرق نفسه زي بوعزيزي بتاع تونس مفيش مشهد واحد في الفيلم يدل أن مصر اتغيرت
وإلا اللي عمل الفيلم دا عايش في 2011 أو 2012 أو 2013".
وأكمل: "ليه البعض بيحاول يقدم صورة
سلبية عن مصر دا كان في ناس بيعادوا بلدك بيكلموا بشكل إسجابي عنك الرسالة اية في
الاخر اية هي الرسالة؟".
وواصل: "شريف منير قال مفيش لا ابداع
ولا قصة ولا اخراج؛ مين اللي راجع الفيلم ومين اللي شاف الفيلم اية الجهات اللي
توافق على أفلام مين هما والسيدة وزيرة الثقافة كرمت أبطال الفيلم في أغسطس الماضي".
وأوضح: "هل كانت شافت الفيلم والا حد
حكالها ولا مكانتش شافته أصلا؟ لو الوزيرة شافت الفيلم تبقي جريمة وهل مشافتش
الفيلم يبقي اتنين".
واختتم: "التكريم بناء عن اية يا سيادة
الوزيرة لما أنا أكرم فيلم يسيء لمصر وللمرأة المصرية وتقديم صورة سيئة لبلدنا؛
بتكرميهم بناء عن اية يا فندم؛ هو لو فيلم إيجابي عن مصر كان اتكرم؟ أنا معرفش هي
شافته ولا لا ولكن تبقي كارثة لو شافت الفيلم أو تكون شافته حاجة عظيمة".
