منة فضالي عن مهرجان الجونة: "في ناس بتلبس عشان التريند"

علقت الممثلة منة فضالي على الجدل المثار بسبب إطلالات الممثلات خلال مهرجان الجونة السينمائي وظهور بعض الفنانات بأزياء أثارت حفيظة الجمهور.

وقالت فضالي في تصريحات لبرنامج "مساء دي أم سي" المذاع على قناة "دي أم سي": "أنا حد للأسف مش بحب الشو وفي طبيعتي بسيطة ومبحبش ابقي لابسة حاجة شكلها غريب مش شبهي احنا في مجتمع شرقي وناس بتقولي مينفعش تلبسي كدة أو تتصوري كدة وبتقبل دة".

وأضافت: "أنا بشوف المهرجانات مين رايح يبقي لابس أحلي من مين دا طبيعي ولكن أنا اللي بختار لبسي البني أدم هو اللي عايز كدة؛ عايز يثير الجدل والا عايز يتقال عليه شيك".

وتابعت: "أكيد في ناس في مهرجان الجونة كانت عايزة تلفت النظر في المهرجان وكان في ناس كتير جدا شيك في المهرجان؛ زي يسرا ودرة هند صبري ومني زكي ومنة شلبي ونادين نجم دول لفتوا نظري في المهرجان".

وأكملت: "رانيا يوسف جريئة طول عمرها ومش بتلبس عشان التريند وطول عمرها بتلبس كل حاجة تليق عليها وهي صديقتي وأنا عارفاها كويس".

واختتمت: "في فساتين العامل الأساسي عايزين يتكلموا عليهم؛ فستان نجلاء بدر مكانش وحش وكان شيك ولبست بعد كدة حاجات تانية مختلفة".