نجلاء بدر ترد على انتقادات فستانها في مهرجان الجونة
علقت الممثلة نجلاء بدر على الانتقادات التي
وجهت لها على وسائل التواصل الاجتماعي بسبب فستانها خلال مهرجان الجونة السينمائي.
وقالت بدر في مداخلة هاتفية لبرنامج
"الحكاية" المذاع على قناة "إم بي سي مصر": "أنا أول مرة
أواجه حاجة زي كدة في حياتي ودخلت المهرجان مع فاشون ديزاينر ولبست فنانين كتير
وعندها خط موديلات لما جينا نختار الفستان اخترنا الأحلى".
وأضافت: "مخترناش الفستان الأكثر عرى او
الأكثر لفتا للنظر؛ في قماشة مش بتتقري في الكاميرات والتصميم اللي عملاه تطور
لعين حورس في الحقيقة حضرت المهرجان وكلهم قالولي أنتي لابسة قطعة فنية".
وتابعت: "أنا اتفاجئت برد الفعل وبعض
الفنانين قالولي الصور باين كأنت مش لابسة لأن القماشة مش بتتقري في التصوير مكنتش
أقصد أنه يكون عاري وكان ممكن أفتح الجزء التاني لو كان دة قصدي".
وأكملت: "مواصفات العري مش موجودة في
الفستان ومنطقة الصدر متغطية ومنطقة البطن نصها متغطي وأنا اتفاجئت والموقف كان
أكبر مني بكتير انا مش واحدة بتاعة استعراض ولا أنا قاعدة على الانترنت عشان الفت
انظار المشاهد".
وأوضحت: "الفن أزواق ممكن يعجبك وممكن
لا ومن قبل مهرجان الجونة والناس انتقدتنا تصورت رد الفعل للحظات وكتير من اللي
حوالينا قالوا لا تمام مفيهوش حاجة".
وواصلت: "اما تقف قدام الفستان غير لما
تشوفه في التصوير والتصوير مبيقراش بعض القماشات وهي قماشة وانا صدري مش باين
مواصفات العري مش موجودة في الفستان وأنا حافظت على البطانة".
واختتمت: "المهرجانات عبارة عن عرض
أزياء وبنحاول نجيب الملوم على قد ما نقدر والفاشون ديزاينر عملت حاجات كتير وليها
وجهة نظر لانها عايزة تظهر أي فستان أنا مش بتاعة الكلام دة ومش هكمل المهرجان".
