"لا جثث ولا سيارة".. غياب الأثر يؤدي للتشكيك في سقوط ميكروباص الساحل
منذ ظهيرة الأحد، تواصل قوات الإنقاذ النهري البحث عن الميكروباص الغارق أسفل كوبري الساحل في القاهرة، وانتشال ضحاياه.
وكشفت التحريات الأولية في حادث سقوط سيارة ميكروباص الساحل أن "عجلة القيادة اختلت من يد السائق أثناء مروره على الكوبري في طريقه إلى منطقة روض الفرج".
التشكيك في الحادث
بعد نحو 24 ساعة من البحث المتواصل، دون الوصول إلى أي جثة أو حتى هيكل الميكروباص نفسه، بدأ البعض يشكك في وقوع الحادث من الأساس.
واستند المشككون في صحة وقوع الحادث إلى عدم العثور حتى اللحظة على الضحايا أو الميكروباص نفسه، فضلًا عن الغياب التام لأهالي الضحايا المزعومين.
إشارة للنجدة
كانت غرفة عمليات الحماية المدنية بوزارة الداخلية، تلقت إشارة من شرطة النجدة بانقلاب سيارة ميكروباص وسقوطها من أعلى كوبري الساحل ظهر أمس الأحد في مياه النيل، انتقلت الأجهزة الأمنية إلى مكان الحادث، بصحبة رجال الإنقاذ النهري.
وبالفحص والمعاينة بعد سماع أقوال شهود عيان، تبين أن السيارة اصطدمت بالسور الحديدي وسقط جزء منه مع السيارة في نهر النيل أسفل الكوبري، واستمعت الأجهزة الأمنية إلى أقوال عدد من شهود العيان لكشف غموض الحادث، وروى أحدهم لحظة سقوط السيارة من أعلي الكوبري، وقال: «الميكروباص خبط في السور الحديد لكوبري ونزل بالركاب ومحدش طلع تاني».
مازال البحث مستمرًا
وتواصل الأجهزة الأمنية بوزارة التداخلية علمية البحث عن الضحايا سقوط سيارة ميكروباص الذي سقط في مياه النيل ظهر أمس الأحد، ودفعت الحماية المدنية بـ 7 لإنشات من الإنقاذ النهري للبحث عن ضحايا الحادث.
ووضعت قوات الأمن تعزيزات أمنية أعلى الكوبري بمحيط الحادث وكذلك الطرق المؤدية إليه أثناء علمية البحث، وتم تحرير محضر وإخطار النيابة العامة بالحادث.
"هل نحن بصدد سر عسكري؟!"
انتقد الإعلامي أحمد موسى عدم إصدار أي بيانات أو معلومات حول حادث سقوط ميكروباص الساحل، لافتا أنه لا يوجد أي معلومة واضحة عن الحادث.
وقال موسى خلال برنامجه "على مسؤوليتي"، أمس الأحد: "ميكروباص غرق في النيل وبس. مش معروف أي تفاصيل. كام واحد محدش عارف. لا لاقين الميكروباص ولا أي حد ناجي أو متوفي".
وأضاف: "قوات الإنقاذ النهري بتشتغل. كركاكة كبيرة بتشتغل ومش لاقيين حاجة، وداخلين على 6 ساعات (24 ساعة الآن) شغل ومحدش وصل إلى أي شيء".
وأضاف: "الناس هتفضل تشتغل لحد ما يلاقوا عشان تشوف الميكروباص فين. ميكراوباص مش لاقينه في عمق النيل وجايبين كركاكة توصل لعمق النيل بالكامل وبتشتغل في مسافة 70/80 متر مربع".
وتابع: "هل ماية النيل واندفاعها تقدر تنقله من مكان لمكان آخر؟ محدش بيقول معلومات ومحدش بيتكلم كله ساكت ومحدش بيقول معلومة".
وواصل: "الموضوع مش سر. لازم حد يطلع يقول معلومة وحد يطلع يقول الرواية الصحيحة. ده مش سر عسكري؛ ميكروباص وقع في النيل لازم تطلع تقول للناس لو بيان من أربع سطور".
وأكمل: "حد يقول معلومة محدش بيتكلم حادثة زي كدة نفضل ساكتين؟ لازم الناس تعرف ولازم نوضح للناس عملية بسيطة جدا وكل واحد يطلع يقول رقم ومعلومة".
واختتم: "لا مصدر بيقول ولا حد بيتكلم أية الحكاية ليه؟ فين حق المعرفة واحد ويقولك حرية تداول المعلومات اللي هي فين حرية تداول المعلومات".
