وليد سليمان عن اللعب للزمالك أو بيراميدز: "مش هضيع تاريخي عشان سنتين"

أكد وليد سليمان، لاعب النادي الأهلي، أن اعتزاله الكرة مرتبط بتجديد تعاقده مع القلعة الحمراء الذي ينتهي بنهاية العام الجاري.

وقال سليمان في تصريحات لبرنامج "مساء دي أم سي" المذاع على قناة "دي أم سي": "مطالبات بعض الجماهير باعتزالي؟ كبركزش على الكلام ومن زمان مش باخد تقيمي من السوشيال ميديا وجودي على الدكة في النادي الأهلي شرف كبير ليا ولأي حد يقعد على الدكة في الأهلي".

وأضاف: "أنا لو مش قادر أدي في الملعب أنا هرفع أيدي وموضوع اللعب من عدمه دي بتاعة الجهاز الفني؛ لما بنزل بكون مؤثر ولو أنا مش مؤثر النادي هيقولي شكرا واللعب حاجة تخص الجهاز الفني".

وتابع: "الناس عارفة أن دي آخر سنة ليا في النادي ولو النادي قالي دي أخر سنة في النادي هعتزل؛ لان مينفعش ألعب في حتة تانية بعد الأهلي".

وأكمل: "أنا جالي في بيراميدز من كام سنة وبعد النادي الأهلي مش هينفع ألعب في حتة تانية والموضوع مش فلوس وكان عقدي خالص في النادي واتعرض عليا أسيب النادي ولكن رفضت وكلمت سنة 2018 وكان ممكن أسيب الفرقة".

وعن إمكانية انتقاله للزمالك قال سليمان: "أنا كوليد سليمان مبحبش واحد يعمل تاريخ في نادي ويضيع تاريخه في سنة أو سنتين حتى لو في نادي الزمالك مع احترامي للجميع".

وحول اعتزاله اللعب دوليا قال سليمان: "أنا مندمتش وأخدت القرار في فترة كنت حاسس أني مظلوم وفي 2018 كنت مرشح لأفضل لاعب في أفريقيا وكنت مع محمد صلاح وماني ومكنتش بروح المنتخب وأعلنت أني مش هلعب دولي والناس كلمتني وقالولي المنتخب محتاجك ورجعت لعبت بطولة أفريقيا".