بيج رامي بعد فوزه بمستر أولمبيا للمرة الثانية: "أطمح إلى 7 ألقاب"

عبر رامي السباعي الشهير ببيج رامي، بطل مستر أولمبيا لكمال الأجسام، عن سعادته بالفوز بالبطولة للمرة الثانية على التوالي.

وقال رامي في مداخلة هاتفية لبرنامج "الحكاية" المذاع على قناة "أم بي سي مصر": "مبروك للشعب المصري وكتر خير الناس اللي قعدت سهرت معانا وكانت بتدعيلنا كان عندي ثقة في ربنا وبدعوات الناس وربنا عوضنا".

وأضاف: "الحمد لله أننا قدرنا نسعد الشعب المصري في البداية أوجه الحدث الكبير ده لراعي الرياضة الأول في مصر السيد الرئيس وهو اللي عمل التوجه الكبير لينا أن الرياضة تبقي الأساس لمصر".

وتابع: "اكتشفنا أننا كمصريين نقدر في أي مكان أننا نتقدم ويكون عندنا أهداف نحققها بأقل الإمكانيات كان معايا ناس كتير من مصر ومحبين اللعبة وكانوا دعمين وفي ضهري ودي محبة من عند ربنا والناس كلها كانت معايا".

وأوضح: "كل واحد في مكانه يقدر يكون ناجح ومفيش حاجة اسمها مستحيل نقدر نوصل لأي حاجة في أي مكان بتوفيق ربنا وشوية اجتهاد ومفيش حاجة اسمها مستحيل وعايز أقول كلمة أخيرة عندنا حدث كبير موجود في مصر أتمنى يساعدنا أننا نحط مصر كتوجه عالمي للرياضة حوالين العالم".

وأكمل: "بطولة مستر أولمبيا مصر بطولة عايزين نجيبها مصر الفترة اللي جاية عشان الناس اللي مش قادرة تسافر تشارك استثنينا حاجات كتير أننا نجيب البطولة دي".

وواصل: "عندنا الرغبة أننا نثبت للعالم أننا قادرين على تنظيم بطولة زي دي في مصر؛ عايزين نثبت اننا قادرين نحط مصر دي في أكبر مكان".

وعن طموحاته خلال الفترة المقبلة: "طموحي أننا نكبر الرياضية في مصر وأتمنى أن زي ما الوزارة واقفة معانا أننا نكبر اللعبة وطموحي الشخصي أن نحقق لسة سبعة مستر أولمبيا أن شاء الله ونجيب البطولة تاني لمصر".