الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

أحمد موسى عن سقوط ميكروباص في النيل: "طلعوا بيان ده مش سر عسكري"

الرئيس نيوز

انتقد الإعلامي أحمد موسى عدم إصدار أي بيانات أو معلومات حول حادث سقوط ميكروباص من أعلى كوبري الساحل، لافتا أنه لا يوجد أي معلومة واضحة عن الحادث.

وقال موسى خلال برنامج "على مسؤوليتي" المذاع على قناة "صدى البلد": "ميكروباص غرق في النيل وبس مش معروف أي تفاصيل؛ كام واحد محدش عارف لا لاقين الميكروباص ولا أي حد ناجي أو متوفي".

وأضاف: "قوات الإنقاذ النهري بتشتغل؛ كركاكة كبيرة بتشتغل ومش لاقيين حاجة وداخلين على ست ساعات شغل ومحدش وصل إلى أي شيء".

وأضاف: "الناس هتفضل تشتغل لحد ما يلاقوا عشان تشوف الميكروباص فين؛ ميكرلاوباس مش لاقينه في عمق النيل وجايبين كركاكة توصل لعمق النيل بالكامل وبتشتغل في مسافة 70/80 متر مربع".

وتابع: "هل ماية النيل واندفاعها تقدر تنقله من مكان لمكان أخر؟ محدش بيقول معلومات ومحدش بيتكلم كله ساكت ومحدش بيقول معلومة".

وواصل: "الموضوع مش سر لازم حد يطلع يقول معلومة وحد يطلع يقول الرواية الصحيحة دا مش سر عسكري؛ ميكروباص وقع في النيل لازم تطلع تقول للناس لو بيان من أربع سطور".

وأكمل: "حد يقول معلومة محدش بيتكلم حادثة زي كدة نفضل ساكتين؟ لازم الناس تعرف ولازم نوضح للناس عملية بسيطة جدا وكل واحد يطلع يقول رقم ومعلومة".

واختتم: "لا مصدر بيقول ولا حد بيتكلم أية الحكاية ليه؟ فين حق المعرفة واحد ويقولك حرية تداول المعلومات اللي هي فين حرية تداول المعلومات".