عمرو أديب يحذر المواطنين: "محدش يرد على أي اتصال من المالديف"

حذر الإعلامي عمرو أديب؛ من انتشار عمليات الاختراق التي تأتي عبر الاتصالات الهاتفية الواردة من جزر المالديف الموجودة في جنوب شرق أسيا.

وقال أديب خلال برنامج "الحكاية" المذاع على قناة "أم بي سي مصر": "محدش يرد على أي نمرة من المالديف إلا لو ليك حد هناك أحنا بنحذر أهو".

وأضاف: "متردش على أي نمرة من المالديف لأن في عمليات اختراق وسحب رصيد وسرقة فيزا وطالما ملكش حد في المالديف متردش على الاتصال".

وتابع: "طالما خالك مش في المالديف أو عمتك مش في المالديف متردش على أي تليفونات من هناك وفي ناس لطيفة كدة يجيلها رنة فتتصل على طول".

واختتم: "الموضوع بدأ ينتشر زي الموضوع بتاع زمان لما كان يجيلك إيميل يقولك أنت كسبت 50 مليون دولار وحولي 20 ألف عشان تستلمهم".