الممرض ضحية "واقعة الكلب" بعد الحكم على المتهم: "رفعت راسي"

أكد عادل سالم؛ الممرض ضحية الواقعة المعروفة إعلاميا بالسجود للكلب؛ أنه شعر بعودة حقه إليه بعد حكم القضاء على الطبيب المتهم في الواقعة.

وقال سالم في مداخلة هاتفية لبرنامج "الحكاية" المذاع على قناة "أم بي سي مصر": "حسيت أني رفعت راسي وسط ناسي وبلدي وحسيت أني رجعلي جزء من حقي وبشكر النائب العام ووزير العدل".

وأضاف: "النهاردة أنا ماشي الناس بتقولي ألف مبروك والبلد رجعلتها جزء من اللي حصلها وأنا سعيد بالسادة المحامين واللي عملته البلد".

وتابع: "أنا قدمت على أجازة بدون مرتب وقاعد من غير شغل حاليا أنا تعبت حاليا من الشغل دة ومعايا عربية هبيعها أو أشتغل عليها وانا نفسيا مش عايز أدخل مستشفيات تاني".

وعن حقيقة منعه من العودة إلى عمله بالمستشفى التي حدثت فيها الواقعة قال سالم: "الناس دي لها علاقات بكل المستشفيات".