أحمد موسى يوضح حقيقة المصالحة مع جماعة الإخوان الإرهابية
كشف الإعلامي أحمد موسى؛ حقيقة المعلومات
التي يتداولها الإعلام التابع لجماعة الإخوان الإرهابية حول وجود مصالحة مع الدولة
المصرية.
وقال موسى خلال برنامج "على
مسؤوليتي" المذاع على قناة "صدى البلد": "جماعة تنظيم الإخوان
الإرهابي كل شوية يقولك بيحصل في السجون ومعلومات بتيجي؛ والداخلية تنفي الادعاءات
المغلوطة بشأن أعداد المحتجزين ونفت وجود رسائل صادرة عن نزلاء السجون تروج
لمصالحة مع الدولة".
وأضاف: "لا يمكن أبدا لأي شخص يطلع يقول
هنتصالح مع الاخوان ليس هناك مصالحة مع قتلة وإرهابيين واما تسمع الكلام هي من
الأكاذيب اللي بيروجوا ليها".
وتابع: "الرئيس قالها بدل المرة مليون القرار
هو قرار الشعب ولا يتحاور أحد مع إرهابيين ولا يتحدث معهم؛ الجماعة انتهت ومشردة
حول العالم؛ أحمد منصور الإرهابي دلوقت في لندن وكان في قطر؛ والواد الإرهابي الخاين
محمد ناصر موجود فين؟ أنت مشتت حول العالم بتدور على مكان يأويك".
وأكمل: "بتطلع من عندهم حاجات انت خلصت
والشعب قضي عليكم ولن يسمح إنك تبقي موجود أصلا ويبقي ليك وجود انت أساسا انتهيت وكنت
بكلمكم من أسبوعين عن يوسف ندا الكلام اللي قلته من أسبوعين الداخلية بتنفيه أحنا
مش شايفينك ومحدش بيتكلم عنك لأنك انتهيت وخلصت".
وواصل: "انت في إيديك دم بناخد القصاص
ودة اللي الشعب بيطالب بيه؛ تصالح مع مين فيكو؟ أسمكم اية ملكوش علاقة بالوطنية
المصرية ومحدش بيقعد مع جماعة إرهابية".
واختتم: "احنا عارفين الأبواق دي عايزة
إية الفترة دي وفي ناس منهم قاعدين في بعض الدول مش عارفين يتحركوا؛ الكلام دة
محصلش وانت بتعمل تفجيرات وعندك تمويل وأزرع إعلامية؛ معركتنا مستمرة مع جماعة إرهابية".
