من محو الأمية إلى الطب.. طالبة تكشف تفاصيل رحلتها إلى التفوق

كشفت الطالبة مايزة قاسم تفاصيل مشوارها التعليمي من محو الأمية وحتى التحاقها بكلية الطب موضحة أنها بذلت جهدا كبيرا خلال مسيرتها التعليمية.

وقالت مايزة في مقابلة مع برنامج "يحدث في مصر" المذاع على قناة "أم بي سي مصر": "أنا أصلا شخصية فضولية سني وصل 10 سنوات ومدخلتش مدارس بسبب ظروف الأسرة والعادات والتقاليد وكنت بحب العلم ونعمة من ربنا أن يكون عندي شغف للعلم".

وأضافت: "كان معايا أختى بتحب العلم وعايزين نتعلم عرضا الموضوع على الأسرة وكانوا مستغربين وكان في اعتراض واحنا بنات وبنطلب نتعلم وأصرينا عليهم ودخلت مدرسة في القرية عندنا".

وتابعت: "بدأنا احنا الاتنين وكانوا تلات مدرسات في المدرسة وبعد كدة لاحظوا أن في تفوق وحب للعلم واتعلمنا القراية والكتابة في أقل من شهرين وكملنا القراية والكتابة ولحد ثانوي".

وأوضحت: "بعد محو الأمية الأسرة قالولي كفاية كدة لكن كان عندنا إصرار أننا نكمل والمدرسة كانت بعيدة وكنا بنمشي ساعة ونص للمدرسة رايح جاي وكنا بنصحي الصبح الساعة 5 في عز البرد".

واختتمت: "أنا مليش علاقة بالفيسبوك وأنا في دنيا تانية خالص ومن البيت للمدرسة إلى ومخدتش دروس ألا في سنة تالتة ثانوي ولحد تالتة أعدادي مكنتش أعرف الدروس أصلا".