"هتعمل البطاقة من مكانك".. تفاصيل خدمة استخراج وثائق الأحوال المدنية
أكد الإعلامي أحمد موسى أن مصلحة الأحوال
المدنية أطلقت خدمة جديدة وهي استخراج البطاقة الشخصية والوثائق الأخرى دون أن
يذهب المواطن إلى مقرات المصلحة.
وقال موسى خلال برنامج "على
مسؤوليتي" المذاع على قناة "صدى البلد": "تجربة لطيفة في
الأحوال المدنية عاملين خدمة جميلة اتصل بـ 15340 ألو عايز عربية تجيلي بيتي أو
شغلي تطلع بطاقة والعربية تيجي تطلع البطاقة والورق ولو عايز تجدد بطاقة تغير محل
إقامة يجي اتنين لطاف في خمس دقائق تتصور والموضوع انتهى".
وأضاف: "عايز البطاقة أمتي؟ تجيلك
النهاردة؛ النهاردة مش بعد 15 يوم وعايزها تجيلك فين على شغلك والا على بيتك والا
على القهوة للي بتعقد فيها".
وتابع: "البطاقة هتجيلك على المكان اللي
تحدده حتى لو هيقابلوك في الشارع؛ أطلب 15340 عشان تعمل أي وثيقة من الأحوال
المدنية".
واختتم: "ولا زحمة ولا تيجي ولا تروح
والعباسية أصلا زحمة، أعلى مستوى من الخدمة تدفع الفلوس المطلوبة والخدمة تجيلك
لغاية عندك، متشكرين والسلام عليكم".
