أبرز تصريحات الرئيس السيسي خلال افتتاح محطة معالجة بحر البقر
افتتح الرئيس عبد الفتاح السيسي اليوم الإثنين محطة معالجة مياه مصرف بحر البقر، وأطلق الرئيس عدة تصريحات هامة حول التعدى على الاراضي، فى هذا السياق نرصد أبرزها.
أبرز تصريحات الرئيس السيسي اليوم
_ سيتم وقف كل الدعم المقدم للحكومة من خبز أو
دعم تموينى أو غيره لمن يخالف أو يتعدى على الأراضى الزراعية أو الترع والمصارف.
_ كل التعدى على المنشات
بتاعت الجسور والترع ومنشات الري خلال الـ 20 سنة، ده وزارة الداخلية والمحافظة ولو
القوات المسلحة محتاجين لازم الكلام ده خلال 6 شهور آخد تمام انه اتشال، إحنا مش هنتحايل
على حد، هو حد يغتصب أرض الدولة ونقول علشان خاطر مصلحتهم أصل هم حياتهم مهددة بالخطر
هو انت تاخد حق الدولة واتحايل عليك".
_ الدولة تسابق الزمن
لاستعادة كفاءة المنشآت المائية، ولكن المواطن عليه دور أيضًا بجانب الحكومة".
_ الدولة قامت بتنفذ مشروعات فوق الخيال وإجراءات
فوق الخيال، مثل مشروع تبطين الترع وغيرها.
_ لا نقبل بالتعديات على قدرات الدولة من أجل تحسين أحوال المواطنين.. واللى بيتعمل فى مصر فوق الخيال.
_ سواء كان تعدى على أراضى زراعية أو تعدى على منشات وجسور وكلام من هذا القبيل.. هذا كلام غير مقبول.. كان ممكن يكون مقبول قبل كده دلوقتى لا.. حد يقولى زعلان.. لا أنا خايف عليكوا.. كان بيعدى 80 مليون متر مياه كافيين للرى.. بقوا 30 مليون.. ليه بنعمل كده؟!
وتعد محطة معالجة مياه مصرف بحر البقر، الأضخم من نوعها على مستوى العالم بتكلفة حوالي 20 مليار جنيه وبطاقة إنتاجية 5.6 مليون متر مكعب في اليوم من المياه المعالجة ثلاثيا سيتم نقلها إلى أراضي شمال سيناء لتساهم في استصلاح 400 ألف فدان في إطار المشروع القومي لتنمية سيناء ولتعزيز منظومة الاستخدام الأمثل للموارد المائية للدولة.
