مفاجأة.. نشأت الديهي: مصانع مصرية استقدمت عمالة من بنجلاديش والهند
كشف الإعلامي نشأت الديهي أن هناك مصانع
مصرية قامت بتوظيف أعداد كبيرة من العمالة الأجنبية بعدما لم تجد العمالة المصرية
المدربة.
وقال الديهي خلال برنامج "بالورقة
والقلم" المذاع على قناة "تن": "كان مطلوب 4 آلاف فرصة عمل في
قطاع الغزل والنسيج وطلبنا ناس تشتغل وملقيناش واللي أتقدم كان عدد بسيط وغير
مؤهل".
وأضاف: "استودرنا عمال من بنجلاديش
والهند ومن دول جنوب شرق أسيا، أقسم بالله في مصانع وشركات في مصر فيها عمالة
أجنبية واللي جاب قال إنهم ملتزمين وغيره وتصدير فكرة أن العمالة المصرية غير جيدة
خطيرة".
وتابع: "العامل المصري جدع ومخلص
وبيتعلم بسرعة وطالما بتشتغل وبالحلال مفيش أي مشكلة وفكرة أن أنت تشتغل في قطاع
الغزل والنسيج عامل أو تشتغل في الحاجات المهنية مفيهاش مشكلة عايزين نرجع تاني
احترام المجتمع للصنايعي".
وأكمل: "زمان كان يقولوا في صنايعي أيدة
تتلف في حرير والاسطوات والمعلمين بتوع زمان كان ليهم احترامهم؛ الدولة العثمانية
لما دخلت مصر خدوا الصنايعية المصريين عشان يعملوا الأستانة".
وأوضح: "أنا عارف أن المجتمع أتغير زمان
كان المسلسلات المحترمة بتاعة أسامة أنور عكاشة كان بيجيب الأسطي أو الصنايعي في
صورة البطل".
واختتم: "دلوقت دخلت ثقافة التوكتوك
وانتهت ثقافة الأسطوات والصنايعية الراجل بتاع خرسانة أو بلاط يقولك أنا أروح أجيب
توكتوك بالقسط وفجأة بقينا مش لاقيين عمالة في المقاولات أو الزراعة".
