المطرب دياب يهاجم أغاني المهرجانات: "الكلام عدواني أو نرجسي"
أكد المطرب دياب، أنه لا يوجد ما يسمى بغناء
المهرجانات لافتا أنه يعد نوع من الموسيقي ولا ينتمي إلى الأغنية الشعيبة.
وقال دياب خلال مقابلة مع برنامج
"الحكاية" المذاع على قناة "أم بي سي مصر": "المهرجانات
نوع موسيقي طرأ على المجتمع المصري في 15 سنة الآخيرة ولكن لا ينتمي للأغنية
الشعبية اللي اتربينا عليها من أيام الأستاذ محمد قنديل والعزبي وعدوية وطلع وبهاء
سلطان وواحد زيي ومصطفى حجاج والليثي".
وأضاف: "اللي بيغني شعبي لازم يكون
بيغني حلو أوي ومينفعش صوته يبقي نص نص وصوته يملي كل حواسك لكن اللي بيغني
مهرجانات مش شرط أصلا تكون ودنه كويسة تكون ودنه كويسة إيقاعيا بس لأنه غني غير
منغم على إيقاع".
وتابع: "الراب حاليا بقي طاغي على
المهرجانات وفي ويجز وعفروتو ودول بيعملوا راب مش مهرجانات وهي نفس دايرة الكلمات
العدوانية اللي أنا رافضها تماما".
وأكمل: "في أغاني أنا هعورك، أنا حملة، أنا دولة، الكلام كلة رايح في سكة أن في خناقة ومفيش واحد بيتكلم أنه حبيبته كويسة
و70% من الكلام يا عدواني يا نرجسي أنا أجمد واحد أنا هبوظ وشكم أنا هحط عليكم دا
كلام حرام يتغني والأطفال لما بتسمع كدة غصب عنهم بتلاقي في وشهم حاجة".
