فيديو.. فرج عامر ينسحب على الهواء ويتهم مقدم البرنامج باستهدافه
انسحب المهندس محمد فرج عامر؛ رئيس نادي
سموحة؛ من برنامج الماتش المذاع على قناة "صدى البلد" والذي يقدمه
الإعلامي هاني حتحوت.
وقال عامر خلال استضافته بالبرنامج:
"كرة القدم كانت تحقق مكاسب قبل جائحة كورونا ولكن بعد الجائحة معادش في مكسب
وبنغطي فارق المصاريف من أماكن تانية".
وأضاف: "هو مين اللي بيكسب من الكورة في
مصر؟ ولا حد أنا في سموحة بخسر من الكورة ولكن أقل خساير؛ وأعضاء النادي مطلبوش
ألغاء الكورة هو أنا اللي حطتها".
وتابع: "أستاذ هاني الأسئلة دي موجهة
وأنا بعد إذنك سيبني أسيب البرنامج وأنا همشي بعد اذنك وأنا فاهم العملية دي أية
اللي ناقص في النادي هو في حاجة أحسن من نادي سموحة".
وواصل: "انت بتصرف على 40 لعبة جاي
تقولي الكافتريات غالية؟ أنت بتسألني أسألة على القهاوي؟ هو اللي كاتب مين صلاح
منتصر يعني".
ليرد حتحوت: "متزعلش طيب" ليقاطعه
عامر : "أنا مزعلش أنت اللي تزعل أنت جاي عندك رسالة عايز تقولها فعيش مع
رسالتك أنت بتسأل أسئلة ليس لها واقع يابيه مانت عارف كل حاجة".
ليرد حتحوت أنا معرفش حاجة؛ ليقاطعه عامر "أنت
عارف كل حاجة يابيه أنت رحت عند محمد مجاهد في مراسي وحياة القرآن أنا شفتك".
ليرد حتحوت "أحلف تاني؟ أنا هاخد
الكلام دة وهقدم شكوى ضد حضرتك".
