تامر أمين عن تسريب ضياء السيد: "اللي حصل جريمة"
علق الإعلامي تامر أمين؛ على التسجيل المسرب
لضياء السيد؛ المدرب العام لمنتخب مصر والذي اعتبرته جماهير الزمالك إساءة للنادي.
وقال أمين خلال برنامج "أخر
النهار" المذاع على قناة "النهار": "كان معايا كابتن ضياء
السيد وقلت إن في جريمة حصلت وأن الجريمة
ارتكبها فرد صور فيديو ونزله على وسائل التواصل الاجتماعي".
وأضاف: "محدش مختلف على أن الجريمة
سببها ومرتكبها من صور لضياء السيد؛ بعض الزملكاوية قالولي هل أنت موافق على اللي
قاله وقلتلهم إن مجبتش سيرة الكلام اللي قاله ولا عايز أناقشه وانا مدخلتش في
المحتوي خالص".
وتابع: "كل حد وهو قاعد على راحته من
حقه يقول اللي هو عايزه في دردشاتنا العادية محدش يقدر يحاسبني ولكن اتحاسب على
ظهوري في وسائل الإعلام".
وأكمل: "أنا مليش دعوة باللي قاله وأنا
كدة هبقي دخلت وبحاسبه على اللي بيقوله في قعدة عرب كدة في الأستوديو؛ الجريمة مش
عند ضياء السيد الجريمة في اللي سجله".
واختتم: "بمعرفتي بضياء السيد؛ في
الحقيقة هو مش من الناس الموتورة؛ في ناس متطرفة في التشجيع والانتماء الرياضي في
ناس أهلاوية بتكره الزمالك وناس زملكاوية بتكره الأهلي وضياء السيد مش من دول".
