سكرتير نقابة المهن الموسيقية: "مفيش شاكوش تاني"

علق الموسيقار أحمد رمضان، سكرتير نقابة المهن الموسيقية، على قرار النقابة بإيقاف خمسة من مطربي المهرجانات عن الغناء.

وقال رمضان في تصريحات لبرنامج "خط أحمر" المذاع على قناة "الحدث اليوم": "بعض الناس كانت بتقول بلاش قطع العيش ولو الموضوع لقمة عيش يبقي ممكن أفتح عربية فول وخلاص".

وأضاف: "نفايات الفكر سامة أكثر من نفايات الشوارع أصدر للناس كلام غير منطقي وخارج عادتنا وتقاليدنا وهناك ابتذال؛ ريشا وكوستا ديو قالوا احنا طلاب جامعة هات ورقك وتعالي؛ قراري أن المطرب من هيغني على فلاشة لكن أنت مش عضو وممنوع من الغناء وعندك إصرار أنك تغني على فلاشة".

وعن تغريم الفنان أحمد سعد لأنه قام بالغناء على فلاشة قال رمضان: "أحمد سعد فنان له قدرة وقيمته أن يصدر قرار ومتبتزمش بيه بيتم تطبيق نص القانون".

وتابع: "شاكوش كدة الموضوع بتاعه منتهي؛ هو شايف أنه معملش جريمة لكن أنا بالنسبالي كمستمع أني ألاقيك في حفلة بتأذيني بكلامك أنا هبقي مستاء".

وأكمل: "قلنا قبل كدة أن المسرح ليه قدسيته ولكن أطلع أقل أدبي وأقول كلام مش محترم هو مش حاسس هو عامل اية؛ هو قدم التماس والقانون قال إن من حق أي حد الاستئناف".

واختتم: "والفنان هاني شاكر قال قرار النقابة نهائي ولا رجعة فيه؛ والخميس اللي فات كان في حفلة وكان فيها عنبة وتم إقصائه من الحفل تماما".