أحمد موسى عن أزمة الزمالك: "اللي عنده مشكلة ميصدرهاش للأهلي"
أكد الإعلامي أحمد موسى أن هناك عدة مشاكل
تفجرت داخل نادي الزمالك مؤخرا، لافتا أن الإدارة الحالية تحاول علاج أزمات متراكمة
منذ سنوات.
وقال موسى خلال برنامج "على
مسؤوليتي" المذاع على قناة "صدى البلد": "اللي عنده مشكلة
ميصدرهاش للأهلي؛ مال النادي الأهلي باللي بيحصل في الزمالك".
وأضاف: "مال الكابتن الخطيب باللي بيحصل
في الزمالك؛ الناس اللي بتدير الزمالك حاليا بتشيد بإدارة النادي الأهلي وكنت
بتكلم مع مسؤول كبير في الزمالك وقالي الأهلي عنده إدارة منضبطة ومستقرة".
وتابع: "الأهلي مبيصدرش مشاكله لحد ولما
بيكون في مشكلة بيقفل على نفسه ومش بيصدر مشاكلة للزمالك والموضوع ده من أول كابتن
صالح لحد كابتن بيبو".
وأكمل: "إدارة الزمالك جات ولقت مصيبة
وحققت بطولات ومع ذلك بتتشتم؛ الناس في الإدارة عايزة تخلص مدتها وتمشي؛ هي
الإدارة الحالية اللي باعت اللاعيبة والا خلت النادي مديون".
واختتم: "بيطلع في الزمالك ناس تقول
هنجيب صفقات تبكي الأهلي؛ هو الأهلي ماله ما تجيب صفقاتك والأهلي بيجيب صفقات وعمر
الأهلي ما يبكي".
