بعد إثارته الجدل.. مخرج «شقة 6» يدافع عن المسلسل ويعلن عن مفاجأة للجمهور
أثار مسلسل «شقة 6» للفنانة روبي جدلا واسعا على السوشيال ميديا، بسبب نهاية المسلسل التي تم تغييرها من قبل المخرج.
وكتب محمود كامل مخرج المسلسل على “فيس بوك”:«أولا بحمد ربنا حمدا كبيرا على النجاح الكبير اللي حققه مسلسل شقة ٦.. وممتن من قلبي لكل كلمة حلوة اتكتبت عنه.. ثانيا عاوز اوضح حاجة مهمة.. لما بشوف ورق.. أو أقرا حاجة وأحس انه ممكن اشتغلها.. بالنسبة لي بتكون مشروعي.. بفكر فيه بكل كياني.. وبشوف أحسن طريقة ممكنة أطور بيها الفكرة.. ممكن مانمش بالأيام علشان اشتغل على الفكرة بشكل يرضيني».
وأضاف: «هدفي أن الناس تفكر وتشغل دماغها وتتساءل ويكون في جدال ومناقشات زي ما كان موجود طول حلقات مسلسل شقة 6 وكانت الناس جوا الموضوع في حاله استنتاجات.. فأي نجاح الفضل بعد ربنا هو لكل إنسان اشتغل معايا بمنتهى الضمير».
وأكمل: «رابعًا: المفاجأة أنه فيه جزء ثاني إن شاء الله.. خامسا: ممكن إنسان يعمل فكرة والنتيجة اللي مكتوبة وحشة جدا.. فنضطر نستعين بناس عشان تكتب فعلا وتعمل حاجه أحسن بكتير وده حصل وبيحصل.. وأنا بحفظ حق الناس كويس أوي.. لأن بحب وبخاف ربنا وضميري أهم حاجه عندي.. وكل اللي أنتو شوفتوه وحبيتوه حاجة اتكتبت من الأول وجديد مش هي نفس الفكرة اللي اتقدمت».
وتابع: «حبيت أوضح بس ويا ريت كل الناس تخلص في شغلها لانه لا يضيع الله أجر من أحسن عملا.. ويومكم حلو إن شاء الله من أصلح ما بينه وبين الله أصلح الله ما بينه وبين الناس.. من أصلح سريرته أصلح الله علانيته.. من اهتم بأمر آخرته كفاه الله أمر دنياه وآخرته».
ودارت كل أحداث العمل حول وجود غيبيات تراها البطلة (روبي) بما يسمى العين الثالثة، وهي حاسة يمتلكها البعض لرؤية الغيبيات والأشباح وأشياء تلقب بما وراء الطبيعة.
وشكك المسلسل أيضاً بوجود مرض عقلي أو هلاوس لدى البطلة، في حين كان العمل يحوي عدداً من القتلى الذين تكتشف البطلة قتلهم بطريقة اكتشاف الغيبيات، إذ يظهر لها هؤلاء، وتراهم ثم تكتشف وجود جثث لهم.
