مطرب المهرجانات عمرو عنكيلي يهاجم شاكوش: "أخد أغنيتي ونسبها لنفسه"
كشف مطرب المهرجانات عمرو عنكيلي؛ أن كافة
مطربي المهرجانات يقومون حاليا بالإنفاق على الإعلانات وعلى وسائل التواصل
الاجتماعي من أجل الانتشار.
وقال عنكيلي في مقابلة مع برنامج "خط
أحمر" المذاع على قناة "الحدث اليوم": "بدأت أنا وحسن شاكوش
مع بعض؛ أنا كنت بلعب في وادي دجلة وهو كان في الإسماعيلي".
وأضاف: "أنا وشاكوش من مناطق شعبية
وأتعرفنا على بعض وقالي نعمل شغل سوا؛ أنا وقتها كنت عامل خمس أغاني كان في منها
مسمعة ومشهورة وعملت أنا وشاكوش أغنية ناقص عمر ودي كانت بدايات النجاح والنجومية".
وتابع: "عملت معاه كل حاجة حلوة لقيته
غير الاغنية على اليوتيوب وشال البوستر بتاعي وحط أسمه بس ولما سألته قالي دا
الشركة اللي غيرتها وأنا هكلمهم".
وواصل: "كنا بناكل عيش مع بعض أخد
الاغنية نسبها لنفسه وأخد فلوس اليوتيوب؛ كانت جايبة 5 مليون مشاهدة حقيقة وقتها
غير دلوقت كل واحد بيصرف على الإعلانات عشان يبقي تريند".
وأكمل: "بقينا نتكلم ونتقابل في الشارع
الموضوع كويس؛ بعد كدة أشتغل مع الناس التانية ونورت معاه اتغير بالكامل وناس أدخلت
وهو قال نعملها نسخة جديدة وننزلها والأرباح بالنص".
وأوضح: "بتواصل معاه من شهر ونص والناس
اللي معاه بتغلط فيا وصغر الراجل اللي بينا؛ أنا شاغلني العيش والملح ومش عارف ليه
عايز يقطع رزقي".
