"كان ماشي بالراحة".. تامر أمين يتقدم ببلاغ على الهواء ضد أحد السائقين
تقدم الإعلامي تامر أمين؛ ببلاغ إلى الإدارة
العامة للمرور بوزارة الداخلية في أحد السائقين الذين كانوا يسيرون أمامه على
المحور ببطء في الحارة المخصصة للسرعات القصوى.
وقال أمين خلال برنامج "أخر
النهار" المذاع على قناة "النهار": "عايز أعمل بلاغ لأصدقائنا
في الداخلية في الإدارة العامة للمرور كنت هنزل أكل الراجل اللي قدامي على المحور؛
ودلوقت في رادات والدنيا مراقبة بشكل محترم".
وأضاف: "في حاجة بتجنني زي تجاوز السرعة
المقررة؛ وهي السير في الشمال ببطء واللي أنا شفته لما رحت أمريكا وأوروبا ممنوع السير
ببطء في حارات السرعات القصوى".
وتابع: "اللي عايز يسوق على مهلة يمشي
في اليمين؛ أنك تمشي ببطي في الحارة المحددة للسرعة القصوى ممكن تعمل حوادث وتخنق
كما الطريق".
وواصل: "أنت نيمت الطريق السريع وعملت
تكدس طبيعي؛ حد ابن حلال أعرفه نصح اللي سواقته نص نص واللي نسه متعلم سواقة أن بدل
ما تمشي في النص تمشي في الشمال عشان تمشي ماشي بمحاذاة السور عشان يحميك".
واختتم: "الراجل كان ماشي قدامي ببطء
وأنا فضلت وراه لحد ما كفرته في عيشته عشان يعديني ونفسي الإدارة العامة للمرور
تظبط دة والحارة المرورية اللي على الشمال لو ماشي بأقل من السرعة القصوى لازم
ياخد مخالفة".
