أشهر حدَّادة في مصر عن مكالمة الرئيس: "منمتش من ساعتها"

كشفت بوسي سعد أشهر حدادة في مصر؛ كواليس محادثة الرئيس عبد الفتاح السيسي والتي أشاد خلالها بقدرتها على العمل وتحدي الصعاب.

وقالت سعد في مداخلة هاتفية لبرنامج "حوار الخميس" المذاع على قناة "ألحدث اليوم": "المكالمة غيرت فيا كتير ومبسوطة وربنا يخليه لينا واداني الأمل في الحياة تاني".

وأضافت: "أنا معايا أربع أولاد وولادي كلهم في المدارس وأكبر واحد محمد سنه 16 سنة بيشتغل معايا وهو في المدرسة بردو لكن تعليم مهني".

وتابعت: "أنا طلبت شقة من الرئيس ومحل أشتغل فيه ويكون فيه حاجة الحدادة أنا طلبت أبسط من كدة وفوجئت بالرئيس جايبلي ورشة وشقة ومعاش".

واختتمت: "أنا مكنتش متوقعة أن دا يحصل وأني أوصل للرئيس من بعد المكالمة لحد النهاردة أنا منمتش ومكالمته غيرت فيا حاجات كتير وانا بشكره جدا".