أول تعليق من "فتاة الفستان" عقب قرار النيابة برفض شكواها
علقت الطالبة حبيبة طارق؛ والمعروفة إعلاميا
باسم فتاة الفستان؛ على قرار النيابة العامة برفض شكواها ضد مراقبتين بجامعة طنطا
متهمتين بالتنمر ضدها.
وقالت طارق في مداخلة مع برنامج "كلمة
أخيرة" المذاع على قناة "أون": "البيان اللي طلع أن تم حفظ
البلاغ وأن مفيش حاجة حصلت رغم أنني قدمت في النيابة ومباحث طنطا عشان المكالمات
والشات على الموبايل اللي بتدين المراقبين والشاهدة".
وأضافت: "وقت التحقيقات لم أطلب أي
شاهدة هما شافوا شاهدة في الكاميرات كنت أقصد للحظة الأخيرة عدم طلب شخصية عشان
ميقولوش بجيب أصحابي والنيابة طلب الشاهدة لأنها ظهرت في الكاميرات".
وتابعت: "الشخص الوحيد المتواجد وسمع
الكلام حضرته وحكته لي؛ سمعت الموضوع وقالت قدام النيابة محصلش حاجة؛ أحترم القضاء
تماما وأنا ردي على أي شيء سيكون عبر القانون ولدي قانون يحمي وسوف أتقدم
بتظلم".
وواصلت: "اجتمعت بالمحامين وقررنا أننا
نكمل في القضية وهنتخذ الإجراءات القانونية والموضوع في أيد ربنا والقضاء
المصري".
وأكملت: "في الترم الأول كنت مخالطة
كورونا ومرحتش الامتحان عمدا ومكانش عندي علم أني أقدم طلب للجامعة أني في اشتباه
كورونا وقصرت في المادة الثانية وفي الترم الثاني حضرت وذاكرت ونجحت".
وأوضحت: "من ناحية النتيجة طلعت وصدر
بيان واتفتح ملف كبير ولم أطالب بحق في نتيجتي وكان بيجلي تهديدات ونتيجتي عرفتها
قبل ما تطلع في الكنترول".
واختتمت: "قلت مش عايزة حد يعدلي نتيجتي
وكنت عارفة أني شايلة مادتين ترم تاني لو حد عنده دليل مادي قصادي أنهم مجوش جنبي
أنا مستعدة أقبل بيه لكن عندي حاجات مقدمه في النيابة ومكالمات ووسايط من عندهم وطالما
عايزين دة يروحوا يتقدموا بشكوي".
