الممرض ضحية واقعة الكلب: "كنت بجاري الأمور عشان الدنيا تمشي"
كشف الممرض عادل سالم؛ ضحية واقعة الكلب؛
تفاصيل الواقعة التي انتشرت في الفيديو المتداول على وسائل التواصل الاجتماعي.
وقال سالم في مداخلة هاتفية لبرنامج
"الحكاية" المذاع على قناة "إم بي سي مصر": "واقعة
التصوير كانت من 6-7 شهور واتفاجئت أنه تم إذاعته على النت ووجدته على التلفزيون
وأبنائي تعبوا ومنظري مكانش كويس".
وأضاف: "اللي حصل أن الدكتور كان عنده
كلب وتوفي وفوجئت بأنه حزين عليه وأنا مكنتش مهتم بالموضوع ومعرفش في الكلاب ولا
أسعارها وبعدين كان في كلب تاني جابه بمبالغ كبيرة وحصل الفيديو اللي حصل".
وتابع: "فوجئت بالكلام اللي بيتقالي؛
قالي لازم تسجد للكلب عشان يسامحك؛ كان في العيادة الخاصة ومش مستشفى قطاع عام وكان
في حد معانا هو اللي بيقوله نكهربه وكان بيجامل يعني".
وواصل: "احنا في العادة بنهزر ولكن مش
نشر الفيديوهات على اليوتيوب وعلى النت وعشان أفضل في شغلي كنت أجاري الأمور عشان
الدنيا تمشي".
وأكمل: "كان في حاجات زي كدة ولكن كانت
بسيطة ومن غير نشر وكانت حاجات في سياق المداعبة ولكن مش بتصوير وفيديوهات".
وأوضح: "بعد نشر الفيديو اتصلت عليه
وقالي متخافش الأمور بسيطة وكدة وقلتله انزل ونقعد مع بعض وقالي متخافش".
واختتم : "الفيديو واضح وهو طلب مني
السجود للكلب وأساء ليا وللبلد كلها وأنا بعتذر لمهنة التمريض اللي أسأت ليها وعايز
الفيديو يتشال لأن اتسببلي بأذية كبيرة".
