حسن شاكوش يعلق على قرار إيقافه ومنعه من الغناء

علق مطرب المهرجانات حسن شاكوش على قرار نقابة المهن التمثيلية؛ سحب تصاريح الغناء الخاصة به ومنعه من الغناء على خلفيه تبادله السباب مع زميله رضا البحراوي.

وقال شاكوش في مداخلة مع برنامج "على مسؤوليتي" المذاع على قناة "صدى البلد": "أنا ملتزم بقرار النقابة واللي هما شايفينة صح هما يعملوه وأنا معاهم وسألوني عن اللي حصل؛ واللي حصل أن نمرتي أن أشتغل ألاقي فرقة تانية موجودة وطلبت منهم ينزلوا ومقالوا محدش بلغنا".

وأضاف: "حصل سوء تفاهم وعملنا مشكلة أنا ورضا وعملت دة لاني اتشتمت بامي وفي الأول والاخر اترضينا وانا على المستوي الشخصي أنا بحبه".

وتابع: "اعتذرت أنا ورضا وأتاسفنا ودي أول غلطة لينا في النقابة بسمع شتيمتي قدام عيني وبسكت أنا جمهوري حط حسن في حته تانية خالص ولازم أكون قد المسؤولية وأظهر بأعلى مستوى ومينفعش أظهر بشكل تاني".

وواصل: "في حفلات كتيرة جدا وفي ناس مش عايزة تاخد العربون بتاعها وناس تانية وأنا مع قرار النقابة لغاية لما نشوف هنعمل اية كل مرة النقابة بتوقف المطرب بعد المشكلة والدنيا بتبوظ مع الناس والمطرب".

وأكمل: "في ناس بايعين تذاكر والناس هتفكرهم بينصبوا؛ أنا بقول للناس خدوا فلوسكم ومش راضين وفي ناس هناخد الموقف دة مع حسن نفسه وطالما اتوقفت فلازم ممسكش مايك ومغنيش وأنا ملتزم وعارف النقابة لما تتطلع قرار أنا بكون على أعلى مستوى في الالتزام بيه".

ووضح: "اعلامي كان عايزني أطلع معاه في برنامج؛ طلب مني أطلع معاه في برنامج فانا قلتله مش هينفع وابتدى يسخن الناس عليا".

واختتم: "أنا بعتذر للاستاذ هاني شاكر؛ وقلت إن أنا ورضا هنتصالح جوه النقابة وأنا يعتبر أبن من أبناء النقابة ودي كانت أول غلطة ليا وأنا طلعت أتأسفت وبتأسف كمان على الهواء".