شيكابالا يكشف أسباب أزماته مع جماهير الأهلي: "محدش بيجيب لي حقي"

أكد محمود عبد الرازق شيكابالا؛ لاعب الزمالك أنه يعترض لتجاوزات عنصرية من بعض الجماهير لافتا أن بعضهم بدأ في تمني الشر لنجله.

وقال شيكابالا خلال مقابلة مع برنامج "الحكاية" المذاع على قناة "إم بي سي مصر": "محدش بيجيب الفعل وكله بيركز على رد الفعل؛ أنا رد فعلي زيادة لأن اللي بتعرضله زيادة".

وأضاف: "الناس بتبعتلي يارب ابنك يجراله كذا؛ وبيقولوا شيكابالا بيتجاوز وفي سيدات موجودين في الملاعب وأمام التلفزيون؛ مهو نفس السيدات موجودين وانت بتشتمني".

وتابع: "أنا أسكت ومجبش حقي بأيدي لو كان في حد بيجبلي حقي؛ ولو لقيت حد يجيب لي حقي من 20 سنة مكنتش هرد بنفسي".

وعن أسباب مواجهاته المتكررة مع الجمهور قال شيكابالا: "هما شايفين أن شيكابالا مش لاعيب كورة بس دا مشجع لنادي الزمالك قبل ما يكون لاعب".