عمرو أديب: "ليه محدش بيهنينا بالدوري؟ مش نهاية العالم أن الأهلي مخدش البطولة"
علق الإعلامي عمرو أديب؛ على فوز الزمالك
ببطولة الدوري لافتا أنه لم يقم أحد بتهنئة النادي بالحصول على البطولة لأول مرة
منذ سنوات.
وقال أديب خلال برنامج "الحكاية"
المذاع على قناة "إم بي سي مصر": "ليه محدش بيهنينا بالدوري ليه في
رفض للموضوع كل ما الأهلي ياخد بطولة خماسية ياخد بطولة أفريقيا نهنئ النادي
الأهلي إنما لما الزمالك ياخد الدوري لازم نطلع فيه العبر ونخلق مليون
مشكلة".
وأضاف: "الأهلوية ليه مستغربين أن
الدوري متخدش السنادي في دولة في العالم بياخد فيها نفس النادي الدوري من 2014 إلى
2021".
وتابع: "احنا أسفين خدنا الدوري السنادي
انما تحصل مشاكل وتقولك شوفتوا الفار شوفتوا الحكام وعايزين الحق الزمالك السنادي
أحق".
وأوضح: "السنادي قارن لعيبة الزمالك
بلاعيبة الأهلي بص على دكة البدلاء في الزمالك وبص على الأهلي الزمالك 22 لاعيب
ألماظ موهوبين سعرهم كلهم ميجوش تمن أربع لاعيبة في الأهلي".
واختتم: "النادي يلعب وهو مديون وفي
المحنة واللاعيبة مش واحدة ربع مستحقاتها؛ هو في اية يا جماعة هو مينفعش ناخد
الدوري سنة".
