"خناقة كبيرة".. هنا الزاهد تكشف رد فعل أحمد فهمي بعد إصابتها بكورونا

كشفت الفنانة هنا الزاهد؛ تفاصيل إصابتها بفيروس كورونا قبل أن تتعافي ورد فعل زوجها الفنان أحمد فهمي بعدما علم بإصابتها.

وقالت الزاهد خلال مقابلة مع برنامج "معكم" المذاع على قناة "سي بي سي": "أنا كنت مسافرة برة مصر وعملت بي سي ار وبعدين كنت بصور مع أحمد حاتم وانا بمثل المشهد لقيت المساعدة بتاعتي بتقولي بأعلى صوت يا أستاذه انتي عندك كورونا".

وأضافت: "فجأة الكل سكت وكله لبس الكمامات وأنا أتوترت لأني كنت ملتزمة بالاجراءات وبعقم بتاع؛ لحد المخرج ما جالي وقالي أهدي كدة أني لو عندك كورونا كدة كلنا لبسنا".

وتابعت: "كنت واخدة عهد مع أحمد فهمي أن لو جاله كورونا أنا هفضل جنبه ومش مهم أتعدي؛ لقيته أول ما عرف بعد عني وقالي أبعدي عني".

وأكملت: "اتخانقت معاه خناقة كبيرة وقلتله هروح لماما أقعد في الحجر هناك؛ ورجعت أوضتي القديمة قعدت فيها 9 أيام وهو كان بيجي تحت في الجنينة يقولي أنتي كويسة؟ وأنا أقوله أيوة".