نجاة نائب من الموت في المحلة.. وتحذير من "الاستخفاف بأرواح المصريين"
أعلن أحمد بلال، نائب البرلمان عن مدينة المحلة الكبرى بمحافظة الغربية، عن نجاته هو وابنه أثناء تواجدهما بشقته الواقعة بنطاق حي ثان المحلة.
وكتب النائب أحمد بلال عبر صفحته بموقع "فيسبوك": "النهارده كنت هموت بسبب ماس كهربائي من سخان رغم إنه جديد ومازال في الضمان".
أضاف: "بلغت عن مشكلة تسرب مياه في السخان، وكل مرة يبعتوا (الشركة المصنعة) حد من الصيانة والمشكلة متتحلش، لحد ما بعتوا حد تسبب ان السخان يكهرب الميه وحنفيات البيت".
تابع: "أنا كنت هموت من شويه بسبب إهمال الشركة، ويمكن لو كان ابني استخدم أي حنفية في البيت مكانش عرف يتصرف وكان هيروح ضحية استخفاف الشركة بأرواح المصريين".
وختم قائلًا: "الموضوع مش مجرد فترة ضمان وصيانة، الموضوع دلوقتي وصل إن سخان الشركة أصبح يمثل خطر موت داخل كل بيت، واللي حصل لن يمر مرور الكرام".
