تامر أمين عن خناقة البحراوي وشاكوش: "كان نفسي أوريكم المستوى"
علق الإعلامي تامر أمين؛ على التراشق اللفظي
بين مطربا المهرجانات حسن شاكوش ورضا البحراوي خلال إحياء إحدى الحفلات في الساحل
الشمالي.
وقال أمين خلال برنامج "أخر النهار"
المذاع على قناة "النهار": "اللي حصل أن كان في حفلة في الساحل
الشمالي والساحل طول الصيف مليان بشكاكوش والبحراوي والفن في مصر بقي كدة بس؛
حفلات الساحل كلها كانت شاكوش والليثي وبندق والبحراوي وكتكت مع لسته من الراقصات
الروسيات ودمتم".
وأضاف: "المهم أن كان حسن شاكوش على
المسرح وطول ويبدو أن فرقة رضا البحراوي جات وقالولهم انزلوا وبتاع قام حسن متريق
التريقة اللي انتوا شسفتوها دي
وتابع: "أنا قطعت الفيديو معرضتوش
بالكامل لأن هو قال جملتين بشكل غنائي كدة فيهم ألفاظ نابية مع أن كان نفسي أعرضه
عشان تعرفوا المستوى السوقي اللي وصل إليه نجومكم".
وأوضح: "كلام وإيحاءات وألفاظ خارجة ومن
ساعة الواقعة وهما شغالين تراشق ضد بعض على السوشيال ميديا وبيعملوا لايف لما
يصهللوا الصبح الساعة ستة وتمانية".
واختتم: "مش مصدق أن دول للأسف من كبار
نجوم اليومين دول؛ أنا مش ضد أن النوع دة من المزيكا يبقي موجود أنا ضد أنه هو بس
اللي يبقي موجود".
