"يحتاج إلى طبيب نفسي".. محمد الباز يهاجم شيكابالا
علق الإعلامي محمد الباز على تجاوزات محمود
عبد الرازق شيكابالا لاعب الزمالك خلال مراسم تسلم درع الدوري عقب مباراة البنك
الأهلي في الدوري.
وقال الباز خلال برنامج "أخر
النهار" المذاع على قناة "النهار": "اتكلمت عن ضرورة محاكمة
شيكابالا ناس بتدعمه وتقول أصل هو بيخرج عن شعوره بسبب الهجوم الكبير وبعد
المباراة قاد هتاف الجماهير وشتم جمهور الأهلي وكل الناس اللي مش عاجبينه".
وأضاف: "قلت إن مجلس إدارة لازم يتخذ
قرار والمفروض اللي زي شيكابالا يتحلي بالأخلاق الحسنة ولأنه بيكون نجم وقدوة وطبيعي
الأولاد الصغيرة يبعوا متعصبين في الرياضة".
وتابع: "شيكابالا تجاوز الأمر في الماتش
الأخير أثناء التتويج وفي النهاية الناس يتسلم الدرع وبعدين اللاعيبة ينزلوا أسرهم
كان مصر يخرج عن المراسم مما تسبب في اشتباك مع رئيس اتحاد الكرة".
وأوضح: "خرج قرار بإيقاف شيكابالا 8 شهور وغرامة 500 ألف والمشكلة أن شيكابالا لم يخطيء فقط ولكنه أصر على خطأ ولما
خده حسين ليبب رئيس نادي الزمالك عشان يعتذر لمجاهد رفض وقاله لا أنا مش غلطان
أصلا ودي مشكلة لما يبقي واحد متعصب مش شايف نفسه غلطان ولا شايف نفسه أنه يتراجع
ويخفف وطأة اللي حصل".
وأكمل: "شيكابالا مشكلته أن راجل
بيستهين بأي حاجة بجمهور أو تحاد الكرة أو مسؤولين فكرة الاستهانة خلته في صورة
غريبة جدا وهو مشيرها وقالك شيكابالا مع الدرع وماسك السيجار وطبيعي أن صورة زي دي
تلفت انتباه الدكتور عمرو عثمان لأنه مدير صندوق مكافحة المخدرات بوزارة التضامن
فيقولك لا دا سلوك كمان مش منضبط وسلوك شخص بيستهين بالأخرين".
واختتم: "العقوبة جات من اتحاد الكرة
وهنا وقفة وضرورة أن يكون في رقابة نفسية أو دعم نفسي؛ شيكابالا بهذا الشكل يشكل
خطر على نفسه ويحتاج دعم نفسي ولازم يعرض نفسه على طبيب".
