"مهاجرين ليه؟ مصر مفيهاش شغل!".. أحمد موسى ينفعل لغرق 11 مصريا
علق الإعلامي أحمد موسى على حادث غرق 11
مصريا من قرية تلبانة التابعة لمحافظة الدقهلية بعد محاولتهم الهجرة بشكل غير شرعي
عبر السواحل الليبية.
وقال موسى خلال برنامج "على
مسؤوليتي"، على قناة "صدى البلد": "اليومين اللي
فاتوا كان في موقف وواقعة، مصر من 2016 أوقفت الهجرة غير الشرعية مفيش مركب طلعت
من مصر من سبتمبر 2016".
وأضاف: "ألاقي اليومين اللي فاتوا مركب خرجت من إحدى الدول المجاورة عليها مجموعة من المهاجرين من بينهم مجموعة من
قرية تلبانة في الدقهلية".
وتابع: "11 واحد غرقوا ربنا يرحمهم، البلد قفلت الأمر تماما وأغلقنا حدودنا تماما إزاي ناس زي دول وأنا بقول لأهاليهم
بتجمعوا آلاف الجنيهات وتعدي الحدود بطريقة غير شرعية عشان تطلع إحدى الدول
الأوروبية ويحدث ما يحدث".
وأكمل: "هو مصر النهاردة مفيهاش فرص عمل؟ لم يحدث في تاريخنا الفرص الموجودة الآن، عندكم المنصورة الجديدة واحد من
المشروعات اللي محتاجة فرص العمل".
وأوضح: "العلمين الناحية التانية فيها
مشروعات ومفيش حتة في مصر مفيهاش مشروعات ولا تتعب ولا تغرق ولا أهلك يفقدوك، المصير
في الآخر ايه؟".
واختتم: "هو برة هياخد كام متشوف فرصة
العمل الموجودة في مصر، فرص العمل جنب بيتك وجنب محافظتك، عندكم مشروع حياة كريمة
جنب بيتك أشتغل معاهم وأقبض كل شهر في بعض الناس فاكرة أن الموضوع برة، برة معادش
في فرص عمل ولا شغل ولا فلوس معادوش بيشغلوا حد، كل قرى مصر دلوقت فيها شغل".
