مصطفى بكري عن قانون السايس: "الناس هتجيب منين؟"
علق الإعلامي مصطفى بكري على قانون انتظار
السيارات والمعروف إعلاميا بقانون السايس لافتا أن المواطن لا يتحمل أي أعباء
إضافية.
وقال بكري خلال برنامج "حقائق
وأسرار" المذاع على قناة "صدى البلد": "وانت سايق عربيتك ووقفت
عشان تدخل مطعم أو مول أو محل تجاري هتلاقي السايس بيجري عليك وبيقولك هتركن يا
أستاذ ويشاورلك وتيجي تديله خمسة جنيه يقولك اية يا أستاذ دا ميجبوش كوباية شاي".
وأضاف: "الحكومة بدل ما تحمي الناس من
ظاهرة السايس قررت تفرض نفس الفلوس ولكن بشكل اجباري وقانوني عن قانون السايس
الجديد واللي تم تطبيقه في مناطق بالقاهرة والجيزة".
وتابع: "القانون عمل حالة من الارتباك
الكبير بالشوارع والميادين والناس كلها عايزة تفهم الحكومة قالت أن أمام المنزل دة
معفي بالرغم من التوضحيات مازال الناس أمام علامة استفهام".
واختتم: "الناس عايزة تفهم المبالغ
الكبيرة الناس هتدفعها ازاي؟ الناس تعبانه ولازم نبقي حنينين والناس هتجيب منين
رجاء خاص أن نراعي الأمور ونخفف العبء على الناس اللي بتقول كفاية.. نحتاج إلى
مراجعة الاسعار المطروحة ".
