بعد فيديو الاحتفال المسيء.. تامر أمين يطالب بمعاقبة شيكابالا
انتقد الإعلامي تامر أمين؛ قيام محمود عبد
الرازق شيكابالا لاعب الزمالك بالاحتفال مع الجماهير بالفوز ببطولة الدوري بشكل
مسيء للنادي الأهلي وجماهيره من خلال ترديد السباب بألفاظ خارجة.
وقال أمين خلال برنامج "اخر
النهار" المذاع على قناة "النهار": "أنا مش عاجبني اللي عمله
شيكابالا مش هقول حد يقعد معاه الكلام دة وهو صغير؛ دا كابتن الزمالك وقرب يعتزل
مينفعش الفيديو اللي فيه ألفاظ تخص الأهلي وجماهير الأهلي".
وأضاف: "في فرق كبير بين اللي بيعمله
الجمهور واللي بيعمله النجوم واللاعيبة؛ لو أنا في ماتش وفي 50 ألف بيشتموا ما
يشتموا لأن المجموع لا يحاسب ولا يؤخذ عليه الجماهير في كل العالم بيشتموا لاعبية
ومدربين".
وتابع: "الشخصيات العامة والنجوم فعلهم
محسوب عليهم؛ أنا لو الناس شتمتني مش هرد عليهم الشخصية العامة الأساس فيها الالتزام
ومينفعش يا شيكابالا أنت تبقى واقف بتغني ويكون دة احتفالك".
وأكمل: "قبل كدة يقولك شيكابالا مضغوط
وخسران بطولة لكن أنت كسبان بطولة ما تفرح وتغني لأمجاد الزمالك زي مانت عايز ليه
فرحتك مرتبطة بتجاوز في حق الأخرين".
وأوضح: "بطالب بالوقوف وعقاب شيكابالا
من جمهور الزمالك ومجلس إدارة الزمالك ويقوله أنت مش لاعب صغير لما إمام عاشور عمل
ده قلنا دا لاعب صغير".
واختتم: "مينفعش شيكابالا يبقي عارف أنه
بيتصور ويغني أعاني فيها تجاوزات ضد النادي الأهلي وجماهيره وأعلم أن إدارة
الزمالك وجماهيره المحترمة لا ترضى ذلك".
