سمية الخشاب توضح المقصود من صورتها بعد زواج أحمد سعد

نشرت الفنانة سمية الخشاب صورة على صفحتها الرسمية بموقع التواصل الاجتماعي "فيسبوك"، وعلقت: "صفاء النية والسلام الداخلي، هما أهم عنصرين للوصول إلى أعلى درجات النجاح.. آمنوا بنفسكم، هتوصلوا لكل اللي نفسكم فيه".

وفي تعليق لأحد متابعي "الخشاب" على موقع "فيسبوك"، وجه سؤالا لها قائلا: "بعد إذنك يا فنانة، عايز أعرف الحركة دي معناها إيه، علشان مش عارف أستوعبها، وخايف اللي في دماغي يطلع صح، وبعد كده نبقى نصفي النية براحتنا".

وردت قائلة: "مكتوب عليها (Love you all)، وقبلها كان إيموجي عليه وش وقلوب، وعاملة في الصورة نص قلب، وكاتبة على تويتر بحبكم أوي تحتها، محتاجين إيه تفهموه أكتر من كده؟".

وتابعت: "أنا مش مسؤولة عن أي فبركة، أو عن أي شخص بيعمل سكرينات ليا، أو لأي شخص تاني علشان يعمل فتن وزيطة ومواضيع ملهاش أي لازمة، والناس تمشي وراه ويلم ترافيك.. أنا بحب جمهوري وبحترمه، ومش مسؤولة عن أي نوايا أخرى.. شكرا".