ماذا قالت مني زكي ؟ تصريحاتها في صاحبة السعادة تقودها لتصدر التريند

تصدرت الفنانة منى زكى مؤشرات البحث على جوجل، وذلك عقب لقائها أمس مساء الاثنين مع الإعلامية إسعاد يونس فى برنامج صاحبة السعادة، وقالت منى عدد من التصريحات التى أثارت بها إعجاب جمهورها.

فى هذا السياق يرصد الرئيس نيوز عن أبرز التصريحات التى أعلنت عنها منى عن علاقتها بأحمد حلمى زوجها فى برنامج صاحبة السعادة 

_ فى أحد تصريحاتها الفنانة منى عن موقف زوجها أحمد حلمى من مسلسل لعبة نيوتن والذي تم عرضه فى الموسم الرمضاني الماضي، حيث قالت منى : مبحبش اتفرج على نفسي ولكن دي أول مرة اتفرج على نفسي لما اتعرض المسلسل، لأن أحمد غصب عليا وقالي اتفرجي عليه لايف في نفس اللحظة مع الجمهور، ورد فعله إن في حاجة حلوة بتحصل وساعات كانت بتعجبه حاجات".

_ وعن علاقتها بزوجها أحمد حلمى وقصة حبهم كشفت عن القصة وكيف بدأت حيث قالت خلال حديثها فى برنامج صاحبة السعادة : كنت في مرة في مكتب المنتج محمد فوزى، وكنا هنعمل مسرحية بطولة عامر منيب، وقالى ان في دور عنده بيفكر يجيب فيه أحمد حلمى وكان وقتها بيعمل برنامج لعب عيال وأنا كنت بتابع البرنامج ده بس مكنتش عارفة وشه لأنه بيظهر بضهره

واستكملت منى القصة وقالت :قلت للمنتج محمد فوزى يا ريت ده حد لذيذ أوى وأنا بينى وبين نفسى عاوزة أشوف وشه، ولما جه المكتب سلم بطريقة غريبة كده وبعدين جاله تليفون وأنا ومحمد فوزى دخلنا البلكونة بنتكلم وقلتله لا ده طلع رخم أوى ومش لذيذ زى البرنامج، وقلتله جربه، أنا مش عارفة، ووقتها كنت بقول عليه انه رخم اوى على الحقيقة.

واختتمت منى: بدأنا بروفات وبدأت أشوفه لذيذ، وهو تقريبا حس انى هامشى من المسرحية وكنت فعلا وقتها هاعتذر، وقال ناخد أرقام بعض، وبقينا بنتكلم في التليفون وبقينا أصحاب جدا وعرفته كمان على أصحابى المقربين.