«تجربتى الناجحة مع الله».. قصة طفلين أنقذهما سعد الصغير من التشرد بالإسكندرية
تصدر الفنان سعد الصغير مؤشرات البحث على
جوجل، وذلك بعد إنقاذه لطفلين، وتلقى إشادات واسعة من الجمهور والمتابعين على مواقع التواصل الاجتماعي مما جعله يطلق
على فعله «تجربتى الناجحة مع الله».
يقول سعد الصغير: «كنت بعمل لايف في إسكندرية، وشاهدت طفلين نائمين على
الرصيف، فصحتهم وأخدتهم البيت»، متابعا: «والدة التوأم متزوجة في القاهرة وقالتلهم
مش عايزاكم، ووالدهم متزوج ومقيم بالإسكندرية ورفض إقامتهما معه».
وأضاف: «هما خايفين ينتقلوا لملجأ أو أي مكان تاني»، مؤكدا أنه سيتكفل
بتوفير كافة مستلزمات الطفلين حال انتقالهما إلى دار رعاية.
وقال سعد الصغير خلال الفيديو الذي قام ببثه على السوشيال ميديا :«اعظم حاجة في الدنيا تساعد حد مش قادر كان
الواحد ممكن في يوم من الأيام يكون مكان الناس ديه وبجد الكلام من كل قلبي وربنا يعلم
ما في القلب حابب أشكر كل الناس اللي دائماً يشجعونني على فعل الخير».
وتبين أن الطفلين يحيى ومحمد، وهما شقيقان تشردا
بعد طلاق والديهما، فانتقل الأطفال للعيش مع والدتهم والتي تزوجت من شخص يعاملهم معاملة
قاسية على حد وصفهم. وكذلك زواج والدهم من سيدة تسيء معاملتهم وتضربهم.
تنوعت
التعليقات من رواد الفيس بوك حول الفيديو المتداول لسعد، حيث قال محمود فاروق
أحد المعلقين : سعد كان بيقف عند فرغلي يشرب عصير ويقول للراجل إسقي الشارع كله، طيب
وبيعمل خير بدون حساب، ربنا يجعل الخير ده شفيع له يوم القيامة.
بينما قالت عزة عبد المقصود: «سعد معدنه نضيف ونفسه من زمان بعمل عمل
خير يقابل بيه ربنا وهو مرتاح انا سمعته قبل كدا بيقول نفسي اسيب مهنه الغنا واحج واعمل
حاجات تخلي ربنا بحبني ومش عايز اموت وربنا غضبان عليه اهو ربنا حط ف طريقك الخير علشان
انت ادة يا سعد وعارف انك من جواج عيز ترضيه ويرضا عنك ياريت تخليك ماشي ف الشوارع
وتجمع كل الاطفال المشردين ودخلهم مدارس، وتحسن تربيتهم ودا عمل بيك وبين ربنا ولك
اجرك عند الله ربنا يجزيك خير الحزاء انشاء الله»
