الإعلامية أسماء مصطفى تروي معانتها مع السرطان: "إدعولي العلاج يستجيب.. وبلاش نظرة الآخرين للمريض بعد ما المرض والكيماوي يفترسوه"

كتبت المذيعة أسماء مصطفى منشور جديد عبد صفحتها الرسمية "فيس بوك" قائلة:« مساء الخيرات عليكم وتحياتي وشكري لكل الناس الجميلة على الصفحة، ردًا على سؤال بتسأله كتير جدًا، هو أن ليه مش بحكي تجربتي وتفاصيل المعركة مع المرض اللعين مع أن فى ناس كتير عملت كده، وده مهم علشان غيرى يستفيد ».

وأضافت: «الاجابة ببساطة غني طبعا مقتنعة ومدركة لأهمية إن مريض السرطان بيقدر يفيد غيره بتجربته وبيكون فعلا فيها أمور كتيرة واحيانا معقدة جدًا، بس أنا ما زالت فى هذه المحنة وحتى الآن واللحظة معنديش جديد غير إنى منتظرة  الفحص الجاي باذن الله الاقى استجابة للعلاج وأكيد باذن الله لما ربنا يكتبلى الشفاء من عنده هطلع وأقول واتكلم معاكم كتير  نفسى اكون مفيدة فعلا للناس بس حاليا مينفعش »

وأضافت أسماء مصطفى خلال منشورها :«الحاجة الثانية زى ما وضحت قبل كده ده مرض ملوش كتالوج فى ناس نفس حالتي وكانت ظروفهم أفضل مني وفى العكس طبعا ..الشئ الأهم اللى هنصح بيه وبكرره مفيش حالة زى الثانية حتى لو كانت نفس الاصابة لان جسمنا مش واحد ولا هنعاني نفس الأعراض ..لا أنواع السرطان واحدة ولا العلاجات واحدة ولا الاجسام واحدة ..علشان كده بلاش تبادل خبرات الأدوية لان دى يحددها الطبيب المختص فقط حسب كل شخص ».

واستكملت :«فيه حالات معقدة زي حالاتي بتاخد أكثر من نوع علاج كيماوي مع بعض وكل شوية تعديل  رجاء نخلي بالنا نتوكل على الله وناخد بالأسباب وربنا كريم، وإن شاء الله اقابلكم على خير وبعتذر على الايف فى الظروف الحالية صعب لاني عاوزاكم تشوفوني كويسة،  وده نقطة تانية أكيد هنتكلم عنها وهى نظرة الآخرين لمريض السرطان بعد ما المرض والكيماوي يفترسوه وربنا يهونها من عنده»