والدة طالب مصري متهم بطعن حاخام يهودي توضح التفاصيل
كشفت الدكتورة إيمان سعيد؛ والدة الطالب
المصري المتهم بطعن حاخام يهودي في الولايات المتحدة تفاصيل الواقعة مؤكدة أنها
علمت عن الواقعة من وسائل الإعلام.
وقالت سعيد في مداخلة هاتفية لبرنامج
"حضرة المواطن" المذاع على قناة "الحدث اليوم": "أنا مش
عارفة الحكاية خالد ابني سافر من 2017 قضى في أوهايو سنتين ونصف وكان يدرس هندسة
كميائية وعلاقته جيدة بالأستاتذه والجامعة".
وأضافت: "خالد حب ينتقل إلى فلوريدا في
جامعة أفضل ورجع مصر وسافر تاني والتحق بالجامعة ودرس هناك ونجح وبعد كدة عرفت أنه
كان قاعد مع زميل في السكن يهودي وبعد ما عرفت قلتله عادي".
وتابعت: "قضي السنة وجات كورونا جيت في
2020 في شهر 11 عرفت أنه واقع في مشكلة وواقع في خناقة مع مجموعة من الولاد واضرب
فيها وتم حبسه وحس القاضي أنه عنده حالة نفسية سيئة جدا نتيجة الخناقة والتقرير
قال اضرب في راسة ضربة قوية في الارض".
وواصلت: "قعد لحد شهر 2 السنادي مكناش
نعرف حاجة عنه بعتنا صديق على أساس يحجز ويجي عشان يرجع مصر لكن قال هحاول مع
الجامعة وكان كان ساكن في بوسطن قرب الحي اليهودي".
واختتمت: "أنا معرفش إيه علاقته
بالحاخام اليهودي ومعرفش ايه اللي حصل ومفيش دلائل أصلا أنه طعن الراجل وانا بطلب
يجيبوا الكاميرات من الأول عشان عايزة أعرف الحقيقة".
