تامر أمين يوجه رسالة لجماهير الأهلي: "متدوروش في الدفاتر القديمة"
أشاد الإعلامي تامر أمين؛ بتوقع النادي
الأهلي مع الجنوب أفريقي بيرسي تاو لاعب برايتون الإنجليزي لافتا أنه سيكون إضافة
قوية للفريق.
وقال أمين خلال برنامج "أخر
النهار" المذاع على قناة "النهار": "النهاردة تم التوقيع
رسميا على انتقال بيرسي تاو إلى النادي الأهلي هو واحد من نجوم نادي صن داونز
الجنوب أفريقي حين كان موسيماني مدرب للفريق وكان من العناصر الأساسية للفريق
وموسيماني يعرف بيرسي تاو جيدا وحقق معاه نجاحات وكان طلب شخصي من موسيماني أنه
ينضم للأهلي".
وأضاف: "بيرسي تاو لاعب ثقيل في الملعب
ويلعب في المنطقة تسعة وتسعة ونصف بامتياز وبيعرف يلعب شغل مجدي قفشة ويقدر يلعب
ورا راس الحربة ويجيب أجوال".
وتابع: "هو شبه مؤمن زكريا كان بيجيب
اجوال كتير أوي وعمره مكان راس حربة أو لعيب خط وسط مرة تلاقيه هنا ومرة تلاقيه في
النص وبيرسي تاو هيكون إصافة قوية للأهلي الموسم القادم".
وواصل: "رسالتي لجمهور الأهلي؛ بعد ما
حصل التعادل مع الإسماعيلي وتقدم الزمالك بنقطتين في بعض من الجمهور ابتدا يطلع كلام
ويقلب في دفاترة القديمة وقالك الزمالك لعب ماتش مع مين وأشرك اتنين لاعيبة وكان
لازم يتخصم منه 3 بونط
واختتم: "هو ليه مكانش بيذكر الكلام دة
لما كان الأهلي متقدم في النقاط؛ القصة دي لا تعنينا أنت تركز في الملعب لو أنت
بأدائك ومجهودك كسبت ماتشاتك والزمالك خسر أو اتعادل يبقي مبروك ولو الزمالك لعب
وفاز وخد الدوري مبروك لأنه الفريق الأكثر تحقيقا للنقاط الدوري اللي ميجيش
بمجهودك ميجيش أحسن هي المنافسة كدة وأرجوكم خليكم داخل الملعب بس".
