تامر أمين يوجه رسالة إلى موسيماني: "ربنا بيعاقبك.. كفاية بقى"
علق الإعلامي تامر أمين على تعادل الأهلي
أمام الإسماعيلي بهدف لكل فريق في المباراة التي أقيمت بين الفريقين مساء أمس في
إطار منافسات بطولة الدوري.
وقال أمين خلال برنامج "أخر
النهار" المذاع على قناة "النهار": "في البداية عندي 3 حاجات
اقرار واعتراف وتحذير الإقرار أنني أقر أن الدوري السنادي حلو وسخن وبقالنا كتير
مشوفناش دوري بالإثارة والندية دي والفروقات البسيطة دي وكل مباراة من مباريات
الأهلي والزمالك تحولت لمباريات كؤوس الدوري حلو والمنافسة اتعملت عشان كدة وأنا
مبسوط بالدوري أيام كان مصيره".
وأضاف: "الاعتراف أني زعلان من نتيجة
ماتش أمبارح؛ أنا زعلان من النتيجة وزعلان من موسيماني زعلان منه حاجة معينة كل
مرة بيعملها بتيجي على دماغنا والأهلي حاليا فرصته بالدوري مرهونة بأقدام لاعبي
الزمالك؛ الأهلي مستني الزمالك يتعثر والموضوع أصبح بيد عمرو مش بيدي".
وتابع: "مقدرش أعيب على اللاعبية أوي
لأن الجنرال حظ مكانش واقف مع الأهلي؛ في المقابل في 9/10 فرص مؤكدة والكورة
مكانتش عايزة تدخل طاهر محمد طاهر من الدقيقة 70 إلى الدقيقة 95 أربع انفرادات
لطاهر ولكن مفيش حظ ؛ زعلان من موسيماني من الحركة اللي بيعملها وكل مرة بنعاقب
عليها أنه يلعب بتلاتة ديفندر".
وأوضح: "تفتق ذهن موسيماني في الدقيقة
65 بس شيل أجايي ونزل صلاح محسن لكن شال أجايي ونزل حمدي فتحي يلعب ديفيندر تالت مفيش
دقيقة بعد التغير والإسماعيلي اتعادل".
واختتم: "انت ماشي كويس ومسيطر مين اللي
قال التلاتة ديفندر تأمين مهو مش تأمين أهو أرجوك يا موسيماني الحتة دي بلاش منها
3 ديفيندر دي بلاش أنت لعبتها مرة صح في ماتش الترجي هناك لكن هنا في الدوري
المصري متعلبش بتلات مدافعين أول ما بتعمل التغييرة دي ربنا بيعاقبك في ساعتها..
كفاية بقي".
