حقيقة القبض على إيمان البحر درويش
كشف الإعلامي محمد الباز حقيقة ما تردد عن
إلقاء القبض على الفنان إيمان البحر درويش خاصة بعد انتشار هاشتاج على موقع
التواصل الاجتماعي "تويتر" يتساءل القائمون عليه عن مكانه.
وقال الباز خلال برنامج "آخر
النهار" المذاع على قناة "النهار": "امبارح هاشتاج انتشر
كالنار في الهشيم وكان بيسأل كدة ببراءة إيمان البحر فين؟ الهاشتاج دة ظهر بعد ما
قال المقاول محمد علي أن إيمان البحر دوريش اتقبض عليه من أسبوعين".
وأضاف: "بدأ الإخوان ولجانهم
الالكترونية يكتبوا في الهاشتاج ولما سألنا المصادر المعنية قالوا أن الكلام ده غير
صحيح وأنه لم يتم القبض عليه؛ إيمان البحر درويش قال كلمتين زعلان أو مضايق أو
معارض هو حر".
وتابع: "الاخوان خدوه كرمز للمعارضة
وانطفى محدش حس بيه وطرحوا الهاشتاج دة لإعادة طرحه كرمز؛ الدولة كدولة معندهاش
مشكلة معاه ما الناس على وسائل التواصل عمالين يشتموا طول الوقت المسألة مش بالسهولة
دي بيصوروا أن أي حد بيقول أي كلمة بيتمسك ويروح ورا الشمس".
وأكمل: "أنا بقول للفنان إيمان البحر
دروش أن الجماعة بتوع الاخوان بيستغلوك وبيعملوا منك كارت فحاول تظبط أدائك ولما
تخرج بلاش اللي أنت عملته المرة اللي فاتت".
واختتم: "إذا كنت رجل بتتحمل مسؤولية
بلدك تطلع تتكلم حضرتك توأد هذه الفتنة لأن الإخوان بيستغلوك أسوأ استغلال أو أنك
اخترت طريقك فنبقى عارفين".
