إلهام شاهين عن وفاة دلال عبد العزير: "كانت بتتحرك في المستشفى!"
عبرت الفنانة الهام شاهين عن حزنها الشديد
لوفاة الفنانة دلال عبد العزيز والتي وافتها المنية اليوم بعد صراع مع المرض عقب
إصابتها بفيروس كورونا.
وقالت شاهين في مداخلة هاتفية لبرنامج
"المصري أفندي" المذاع على قناة "المحور": "شعور سيء
ومؤلم كان عندنا أمل أنها تخف خصوصا أن سنها كان صغير وجسمها يقدر يقاوم".
وأضافت: "شفتها من شهر في المستشفى كانت
بتكلم وحطة ماسك الاكسجين وقامت وتحركت جوة المستشفى وقامت وخدناها على كرسي متحرك
وهي جات زارت أمير أخويا اللي رجله كنت مكسورة وموجود في نفس المستشفى".
وتابعت: "أن المسألة تتطور بالشكل
الفظيع دة مكانش متوقع؛ دلال كانت سيدة شهمة وجدعه وقلبها كبير وبتقف مع الناس
كلها مش متخيلة أننا نقف في عزاها".
وأوضحت: "كانت ست جدعة وجميلة ولازم
أعزي الأسرة الفنية وجمهورها في مصر والوطن العربي هي محبوبة وعمرها مكان ليها أي
عداوات مع أي أشخاص أو جهات".
واختتمت: "اشتغلنا مع بعض كتير في فيلم
البوليس النسائي وليالي الحلمية وفيلم بنات حارتنا احنا جيل واحد وعيشنا صداقة
العمر كله هي وسمير والبنات أتربوا على إيديا وطبعا ربنا يصبرهم الموقف أكبر من أي
كلام وربنا معاهم وربنا يقويهم".
