والد فريال أشرف: "ربنا مضيعش تعبها".. وأتمنى دعم الدولة للألعاب الفردية
عبر أشرف عبد العزيز؛ والد لاعبة الكاراتيه
فريال أشرف؛ عن سعادته بحصول أبنته على الميدالية الذهبية ضمن منافسات دورة
الألعاب الأوليمبية.
وقال عبد العزيز في مداخلة مع برنامج
"حضرة المواطن" المذاع على قناة "الحدث اليوم": "الحمد
لله على تعبها اللي مراحش هباء وربنا كرمها بحاجة كويسة جدا والدتها ملازماها في
التدريبات وبتقرا أفكارها وبتبعد عنها أي حاجة تدايقها أو تخليها متقدرش تركز في
تدريبها".
وأضاف: "والدتها معاها على طول الخط
والحمد لله؛ المدرب دوره كبير جدا والتأهيل النفسي للاعب قبل كل بطولة مهم وكل
المدربين أدوا على مدار السنتين اللي فاتوا كل اللي عليهم".
وتابع: "في مصر معندناش ثقافة صناعة
البطل وفي حاجات بسبب الدعم المادي ممكن تقف؛ وهي منظومة كبيرة المفروض الدولة
تاخد بالها الألعاب الفردية مش واخدة حقها بالنسبة للألعاب الجماعيةأعد فريق مكون
من 30 لاعب والا أعد لاعب واحد وهي هي نفس الميدالية".
واختتم: "كنت متوقع أنها تحصل على
ميدالية وفريال مكانتش بتخرج من المربع الذهبي بأي بطولة مكناش متوقعين ميدالية
ذهبية ولما دخلت قبل النهائي طمعنا والحمد لله ربنا حقق اللي هي عايزاه".
