كيشو: "دموع الفرحة مش مفرقاني.. وانتظروا ذهبية باريس بإذن الله"
أكد محمد إبراهيم كيشو، بطل المصارعة الرومانية المتوج ببرونزية أولمبياد طوكيو 2020، أنه بكى بعد الحصول على الميدالية التاريخية.
وقال كيشو عبر حسابه الشخصي بموقع "فيسبوك": "دموع الفرحة مش مفرقاني بعد أول مشاركة ليا في الألعاب الأولمبية بطوكيو وحصولي على الميدالية البرونزية بعد تعب كتير".
وأضاف: "أولا الحمدالله دائماً وابداً علي فضلك وكرمك وتوفيقك ليا يارب، أمي وأبويا وأهلي واصحاب الفضل عليا واللي أنا وصلت للمكانة دي بسبب دعواتهم ليا وتعبهم معايا كلام كتير جوايا ليكم مش هيكفي صدقوني".
وتابع: "زوجتي فاطمة الفرصة جت إني اشكرك على كل لحظة وقفتي جنبي فيها وتشجعيك ليا وقريب هنفرح".
وواصل: "كابتن زوقلط أنا مش عارف أقولك ايه والله بجد على كل لحظة عديت وأنت جنبي ووفيت بوعدي ليك وفرحتك زي ما أنت كنت عايز".
وأوضح: "دعم الدولة المصرية ليا من اهتمام وراعية ومتابعة دائمة من وزارة الشباب والرياضة الدكتور اشرف صبحي معالي الوزير لحظه بلحظة، واللجنة الاولمبية المصرية الداعمه المهندس هشام حطب الداعم ليا بصفه خاصه دائما ،ودكتور عبدالاول كلام كتير مش هيوصف اللي جوايا علي كل لحظه ساعدني ووقفت جنبي فيها".
وختم: "أشكر الجميع وكل الناس علي دعمهم و رسايلكم اللي فرحتني وشجعتني وانتظروا ذهبية أولمبياد باريس بإذن الله".
وتوج كيشو ببرونزية منافسات وزن 67 بعد أن حقق الفوز على ارتيم سكورف بطل منتخب روسيا في مباراة دور الترضية بنتيجة 1-1 ليفوز كيشو بسبب إحرازه للنقطة عن طريق اللعب ليحصد ثالث ميداليات مصر في أولمبياد طوكيو.
