بعد حديث السيسي عن زيادة سعر الخبز.. "معاك يا ريس" يتصدر تويتر
تصدر هاشتاج "معاك يا ريس" تريند تويتر منذ قليل، وكتب عدد كبير من المغردين تغريدات للرئيس عبد الفتاح السيسي.
وقال أحدهم: «هو مين اللي نزل بطاقة التموين مش السيسي، هو مين اللي بيعالج الفقير على نفقة الدولة مش السيسي هو مين اللي بيأسس حياة كريمة مش السيسي، انسوا إنه يظلم الفقير في منظومة الخبز الجديدة، البلد هي اللي هتشيل الفقير واللي جاي خير».
وقال مغرد ثانى: «استلمت مصر والاحتياطي في الأرض والبنوك مفيهاش دولارات لانها كانت تتباع في السوق السوداء كنا على وشك الإفلاس، رفعت رايتنا وصلحت اقتصادنا، طبعا معاك يا ريس».
وقالت ثالثة: «الريس مش بتاع أقوال وخطابات ووعود فارغة، الريس بتاع أفعال إحنا بنلاقى المشروعات بتفتتح مش لسه حتتعمل».
وقالت أخرى: «لازم نكون مع اللى حمانا وعزنا، مع اللى بيحلم لكل فرد بحياة كريمة نظيفة تليق بالانسان المصرى».
كان الرئيس عبدالفتاح السيسي قال إنه حان الوقت لزيادة سعر رغيف العيش، مضيفا: "20 رغيف بثمن سيجارة، هذا الأمر لابد أن يتوقف".
جاء ذلك خلال افتتاح الرئيس السيسي عدد من المشروعات في المنوفية، أمس الثلاثاء، وفي معرض حديثه عن الوجبات المدرسية المقرر صرفها لتلاميذ المدارس.
وأوضح الرئيس: "تكلفة الوجبات دي هنجيبها منين، هنجيبها بالخصم من الوزارات، جه الوقت إننا نخصم من الوزارات، ورغيف العيش جه الوقت إننا نرفع تمنه".
وبيّن الرئيس السيسي أن الزيادة في أسعار الخبز لن تكون كبيرة، ولكنها ستكون في حدود ملائمة الاحتياجات المالية اللازمة لمنظومة الوجبات المدرسة ومشروعات حياة كريمة.
