تامر أمين: ارتداء رمضان صبحي شارة الكابتن في مباراة البرازيل جريمة
علق الإعلامي تامر أمين على خسارة المنتخب
الاوليمبي أمام نظيره البرازيلي في ربع نهائي مسابقات كرة القدم بدورة الالعاب
الأوليمبية.
وقال أمين خلال برنامج "أخر
النهار" المذاع على قناة "النهار": "قبل ما أكلمكم عن طريقة
اللعب واللي حصل واللي قالوا شوقي غريب عايز أوريكم السبب في الخسارة هي الصورة دي
صورة الاخ رمضان صبحي وهو لابس شارة الكابتن وانا بقولها بشكل واضح أن ارتداء
رمصان شارة الكابتن في ماتش البرازيل جريمة".
وأضاف: "ارتداء رمضان شارة الكابتن في
المباراة جريمة لأنه مخالف للأعراف والمنطق والقيم والإدارة والقيادة في الملعب
والروح العامة؛ هتقولي أصل حجازي عرض يدي القيادة لرمضان هقولكم ولو لا رمضان ينفع
يوافق ولا الرئيس بتاعهم ينفع يوافق".
وتابع: "حجازي من وجهة نظره أن رمضان هو
القائد الاصلي؛ الكلام دة ينفع على القهوة مش بلد بتلعب في الأولمبياد مينفعش يبقي
في الملعب حجازي والشناوي والونش والاقي رمضان ماشي بيتمختر بالشارة".
وأكمل: "أول ما شفت اللاعيبة نازلة
ورمضان لابس شارة الكابتن قلت أنها خربت؛ الموضوع ملوش علاقة أني أحب رمضان أو لا
عشان ساب الاهلي ولكن الموضوع على أي لاعب ولو كان أكرم توفيق اللي لابس الشارة
كنت هقول نفس الكلام".
واختتم: "ازاي كبرات المنتخب الاول في
الملعب ويبقي الكابتن عليهم رمضان المفروض اللي يوجه اللاعبية ويشدهم هو اللي عنده
خبره مش اللي عنده قصة".
