بعد خروجها من الأولمبياد.. لاعبة المصارعة سمر حمزة تعلن الاعتزال
أعلنت سمر حمزة، لاعبة منتخب المصارعة، اعتزالها بعد توديع دورة الألعاب الأولمبية طوكيو 2020، مكتفية بما حققته فى اللعبة خلال السنوات الماضية.
وودعت سمر البطولة بعدما فقدت فرصتها في دخول أدوار الترضية والحصول على البرونزية، بعد خسارة بطلة روسيا من بطلة قيرغستان 12/0، لعدم التكافؤ في أقل من دقيقتين في دور ربع النهائي من مسابقة مصارعة حرة سيدات.
كانت سمر حمزة بطلة مصر للمصارعة خسرت أمام الروسية ناتاليا فوروبييفا 12-16 في المصارعة الحرة، في مباراة مثيرة وقوية حسمتها اللاعبة الروسية في اللحظات الأخيرة.
وعبر صفحتها على "فيسبوك"، انتقدت اللاعبة غياب التجهيزات قبل السفر إلى طوكيو، وكتبت: "كام معسكر سمر طلعته من بداية مشوارها في 2013 لحد دلوقتي 4 معسكرات، مدة المعسكر 10 أيام، نشوف بقى اللي بيلعبوا معانا!".
أضافت: "أنا كسمر حمزة فخورة جدا بالمصارعة النسائية في مصر. سعيدة ان المصارعة النسائية اصبحت على الخريطة العالمية، أنا ابتديت العب مصارعة من 8 سنين شوفت انجازات كابتن كرم جابر وكابتن بوجي ومن وقتها قررت اكون لاعبة مصارعة زيه لما العب من 8 سنين و في امكانات محدودة ومتربتش علي فكر صناعة بطل اولمبي واقدر اوصل لتصدر افريقية و خامس عالم كبار و بطولات دولية و مصنفة يبقا ده انجاز لكل بنت بتفكر تلعب مصارعة في مصر".
ختمت: "شجعوا المصارعة النسائية عشان نربي جيل من البنات الصغيرين بفكر جديد وإمكانات أفضل وثقافة مختلفة، الرياضة مش بس ميدالية، دي سنين طويلة من الكفاح والشقا والتعب، مفيش شعور ولا وصف أوصف به التعب غير الكام كلمة دول، وللمعلومة اللاعب وظيفتة في الحياه للتدريب فقط ليس القيام بدور الأشخاص المسؤولين عن مسيرتة الرياضية، شكرا لكل حد وقف جنبي شكرا مدربي العظيم شكرا زميلي اللي اتمرنوا معايا، ومن هنا أعلن إني بكتفي شكرا للتجربة علمتني كتير".
