أحمد موسى يهاجم حكم مباراة أستراليا: "خلانا كلنا مضغوطين"
هاجم الإعلامي أحمد موسى؛ حكم مباراة منتخب
مصر الأوليمبي ونظيره الاسترالي لافتا أنه كان منحازا بشكل كبير لصالح منتخب
استراليا.
وقال موسى خلال برنامج "على
مسؤوليتي" المذاع على قناة "صدى البلد": "الحكم ظلمنا كتير
وظلم منتخبنا كتير منتخب استراليا من أكثر المنتخبات عنفا عنده 6-7 لاعيبة وخدين
انذارات وهو يادوب أدلهم أنذار يتيم والحكم عامل مش شايف".
وأضاف: "الحكم كان متحامل علينا وكان
داعم قوي لاستراليا لكن ربنا كبير؛ العب لعبك ومتبصش على الحكم؛ الحكم مش هيبقي
معاك هيبقي عليك أنت منتخب عربي مش عايزك تبقي موجود".
وتابع: "الحكم كان واضح لا أنذارات وادي
وقت اضافي كبير جدا تعب منتخبنا وخلانا كلنا مضغوطين كأننا كلنا بنلعب؛ المنتخب
عملوا ماتش قوي جدا والدفاع تحمل مسؤولية كبيرة".
وأكمل: "تغيير كابتن شوقي غريب نقل
الماتش عمار حمدي نقل الماتش وهو حريف وسريع وبيجري وربنا كرمه لما سجل الهدف
والمتابعة من كورة ناصر وكان واقف في المكان الصح".
واختتم موجها حديثه للاعبي المنتخب: "بلدكم
مستنياكم يوم السبت ولازم تبقوا عارفين البلد كلها بتابعكم ودعواتها ليكهم أن ربنا
يكرمكم وهيكرمكم ان شاء الله".
